Суд Партызанскага раёна Мінска 8 студзеня разгледзеў справу 25-гадовай мінчанкі Вольгі Пракоп, якая павесіла БЧБ-сцяг на акно. Затрымалі яе ўвечары 7 студзеня.
Ілюстрацыйнае фота
У Партызанскім РУУСе на дзяўчыну склалі пратакол па арт. 24.23 КаАП, за «несанкцыянаванае пікетаванне БЧБ-сцягам, размешчаным на акне прыватнага дома», паведамляюць праваабаронцы.
На судзе Вольга віну не прызнала, а заявіла, што выкарыстоўвала сцяг у якасці фіранкі і пікет не праводзіла. Да матэрыялаў справы далучылі фотаздымкі, якія міліцыянты зрабілі з вуліцы.
Суддзя Наталля Дзядкова прызнала Вольгу вінаватай і арыштавала яе на 7 сутак.
Каментары