На 73-м годзе абарвалася жыццё аднаго з найстарэйшых сябраў праваабаронцаў «Вясны» з Баранавічаў Сяргея Гоўшы.
Пачынаючы з 1997 года спадар Сяргей, не шкадуючы ні сілаў, ні свайго вольнага часу, аказваў дапамогу землякам, абараняў іх на судовых працэсах, дапамагаў абскардзіць несправядлівыя рашэнні ў вышэйшых інстанцыях.
Праваабаронца адстойваў права беларусаў на свабодныя і празрыстыя выбары, шанаваў і абараняў беларускую мову.
За сваю праваабарончую дзейнасць спадар Гоўша пераследваўся ўладамі, некалькі разоў затрымліваўся міліцыяй.
Каментары