Расія рыхтуецца да новага ўварвання? Расійская разведка назвала сітуацыю ва Украіне падобнай да сітуацыі ў Грузіі ў 2008
Цяперашняя сітуацыя ва Украіне падобная на тую, якая складвалася падчас ваеннага канфлікту 2008 года з Грузіяй. Пра гэта гаворыцца ў заяве прэс-бюро Службы знешняй разведкі Расіі.
«Выклікае крайнюю занепакоенасць правакацыйная палітыка ЗША і Еўрасаюза, якая свядома ўмацоўвае ў Кіева пачуццё ўсёдазволенасці і беспакаранасці. Падобную сітуацыю мы назіралі ў Грузіі напярэдадні падзей 2008 года. Тады Міхаіл Саакашвілі «сарваўся з ланцуга» і спрабаваў знішчыць расійскіх міратворцаў і грамадзянскае насельніцтва Паўднёвай Асеціі. Яму гэта дорага абышлося», — заявіла ведамства.
Ведамства сцвярджае, што «агрэсіўная прапаганда» з боку ЗША стымулюе Кіеў да нарошчвання вайсковай групоўкі на Данбасе. Расійскае ведамства сцвярджае, што ўзброеныя сілы Украіны канцэнтруюць сілы ў памежных раёнах з Расіяй і Беларуссю.
Паведамленні аб тым, што Расія нарошчвае вайсковыя сілы на мяжы з Украінай, пачалі з'яўляцца ў СМІ ў канцы кастрычніка — пачатку лістапада, у прыватнасці, пра гэта пісалі The Washington Post і Politico.
Пазней Bloomberg і The New York Times са спасылкай на крыніцы напісалі, што ЕС атрымаў ад ЗША папярэджанне аб магчымым уварванні Расіі ва Украіну. На думку амерыканскіх разведчыкаў, імавернасць гэтага ўзрасце па меры наступлення халадоў.
-
У праваслаўнай парафіі на поўдні Польшчы царкоўная ўрачыстасць ператварылася ва ўслаўленне Расіі. З пратэстам выступілі лемкі
-
Трамп заявіў, што з Іранам яго задаволіць толькі «ідэальная здзелка». А проста добрую ён мог бы заключыць проста зараз
-
У Італіі беларуса падазраюць ва ўдзеле ў злачыннай групе
Як рыхтаваўся візіт Ціханоўскай у Кіеў і чаму ён некалькі разоў пераносіўся11
Каментары