Літва можа правесці матчы ў Вільні або Каўнасе. Такую прапанову зрабіла літоўскае Міністэрства адукацыі, навукі і спорту, піша Delfi.
Сярод аргументаў на карысць Літвы — блізкая адлегласць ад Рыгі і наяўнасць хакейных арэн.
«Самім адным латышам будзе цяжка, бо ў іх ёсць толькі рыжская арэна. Спатрэбіцца яшчэ адна часовая, што дорага і тэхнічна складана», — сказаў намеснік міністра Лінас Обцарскас.
Што праўда, чэмпіянат свету па хакеі праводзіцца звычайна ў краіне, зборная якой гуляе ў вышэйшым дывізіёне, а літоўцаў у эліце няма.
Нагадаем, што 18 студзеня Міжнародная федэрацыя хакея забрала ў Беларусі права на правядзенне часткі ЧС, што меўся прайсці з 21 мая па 6 чэрвеня ў Мінску і Рызе.
Цяпер разглядаюцца варыянты правесці «беларускую» частку матчаў у Славакіі, Даніі або ўсе матчы ў Латвіі.
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары