Сёння суд Цэнтральнага раёна Мінска па ініцыятыве ГУБАЗіК МУС прызнаў тэлеграм-канал Сцяпана Пуцілы і лагатып экстрэмісцкімі матэрыяламі. Рашэнне прынята 20 кастрычніка на падставе заключэння Рэспубліканскай экспертнай камісіі.
— З гэтага часу апублікаванне або размяшчэнне, у тым ліку спосабам перапосту, інфармацыі з лагатыпам або з канала цягне за сабой адміністрацыйную адказнасць за распаўсюд, выраб, захоўванне, перавозку інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць (ч. 2 арт. 17.11, штраф ад 10 да 50 базавых або адміністрацыйны арышт).
У ГУБАЗіК МУС адзначылі, што рэбрэндынг тэлеграм-канала і змена лагатыпа не стане падставай для выключэння іх са спісу экстрэмісцкіх матэрыялаў.
Цяпер аператыўнікі нацэлены на выяўленне распаўсюджвальнікаў забароненай інфармацыі. Сіл і сродкаў на гэта хапае, запэўнілі ў ГУБАЗіК МУС, гаворыцца ў паведамленні.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай12
Каментары