Прэзідэнт Літвы Гітанас Наўседа возьме ўдзел у прызначанай на 23 жніўня — ва ўгодкі знакамітага Балтыйскага ланцуга свабоды ў 1989 годзе — масавай акцыі ў падтрымку пратэстоўцаў у Беларусі.
Пра гэта ў суботу ў эфіры нацыянальнага радыё LRT паведаміў адзін з яе ініцыятараў журналіст Андрус Тапінас.
«Наколькі мне вядома, прэзідэнт Наўседа, экс-прэзідэнт Даля Грыбаўскайце плануюць прыняць удзел у нашым мерапрыемстве», — кажа ён.
На спецыяльнай платформе ў інтэрнэце за суткі зарэгістравалася каля 12 тыс. чалавек. Паводле ацэнкі арганізатараў, для таго, каб зрабіць такі ланцуг, неабходны ўдзел больш за 20 тыс. чалавек.
Плануецца, што «жывы ланцуг» пачнецца на Кафедральным пляцы ў цэнтры Вільні, адкуль удзельнікі пашыхтуюцца да пасольства Беларусі, а затым па аўтамагістралі Вільня — Мінск расцягнуцца да кантрольна-прапускнога пункта на літоўска-беларускай мяжы ў Медзінінкай. Даўжыня складзе каля 35 км.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары