Мінчанка вырашыла зарабіць у сеціве на брокерскіх аперацыях і, трапіўшы на махляроў, страціла 114 тысяч рублёў, паведамляюць «Мінск-Навіны».
Нядаўна ў міліцыю звярнулася 53-гадовая мінчанка. Яна патлумачыла, што ў лютым гэтага года, каб падзарабіць, зарэгістравалася на сайце fxamo.by. Партал нібыта ажыццяўляў біржавую брокерскую дзейнасць. Грамадзянам прапаноўвалася паўдзельнічаць у гандлі металамі і акцыямі, а таксама зарабіць на зменах курсаў валют. Для гэтага неабходна было ўнесці грошы на віртуальны рахунак арганізацыі.
Наўрад ці жанчына была вялікім спецыялістам у брокерскіх аперацыях. Яна, як і многія іншыя, паддалася на хітрыкі махляроў. Дама пералічыла 400 рублёў, а пасля з ёй увесь час звязваўся прадстаўнік і пераконваў, што яна зможа прымножыць свой капітал у самыя кароткія тэрміны. Зразумела, фінансавыя аперацыі, у якія яна ўкладзе грошы, будуць толькі паспяховымі.
Брокер папярэдзіў, што першапачаткова за яе грошы будуць набытыя біткоіны, а ўжо пасля гэтага крыптавалюта будзе пераведзеная на віртуальны рахунак, праўда, у даляравым эквіваленце. Падчас допыту мінчанка распавяла следчым, што чалавек, які тэлефанаваў, быў настолькі пераканаўчым, што яна амаль адразу перадала яму пароль і лагін ад свайго ўліковага запісу.
Жанчына рэгулярна папаўняла рахункі, якія ёй даваў супрацоўнік платформы. У адзін з дзён ёй прыйшло паведамленне аб налічэнні бонуса — ажно 30 тысяч даляраў! Але каб атрымаць нечаканы падарунак, прыйшлося выканаць адну ўмову — папоўніць рахунак на гэтую ж суму. Жанчына рызыкнула не раздумваючы.
Праз некаторы час мінчанка вырашыла вывесці грошы. Але, пачуўшы просьбу, супрацоўнікі платформы перасталі выходзіць на сувязь.
Як высветліла следства, з лютага па красавік 2020 года пацярпелая пералічыла невядомым больш за 114 тысяч рублёў. Каб знайсці такія грошы, яна ўзяла некалькі крэдытаў і пазык.
Завялі крымінальную справу.
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары