Крыніца: зняцце санкцый з Расіі не стаіць у парадку дня саміту «нармандскай чацвёркі»
Пытанне аб зняцці заходніх санкцый з Расіі не ўваходзіць у парадак саміту ў «нармандскага фармаце», які пройдзе ў Парыжы ў панядзелак. Пра гэта ў пятніцу заявіла крыніца ў адміністрацыі прэзідэнта Францыі, піша tass.ru.
«Тэма саміту — не зняцце санкцый з Расіі, а выкананне мінскіх пагадненняў», - заўважыў ён. Адказваючы на іншыя пытанні, ён таксама ўдакладніў, што ў планы саміту не ўваходзіць і абмеркаванне транзіту газу праз Украіну. «Гэта па-за «нармандскім фарматам», - растлумачыў суразмоўца.
Так званы нармандскі фармат перамоваў па Украіне («Нармандская чацвёрка») існуе з чэрвеня 2014 года.
У 2014 годзе Еўрасаюз увёў санкцыі ў дачыненні да РФ у сувязі з уварваннем на Данбас і анексіяй Крыма. Абмежавальныя меры неаднаразова пашыраліся і падаўжаліся.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары