Стральба з пагоняй ля Маладзечна: расіянін на «Таёце» ўцёк з месца ДТЗ, урэзаўся ў машыну ДАІ, але быў затрыманы
Падрабязней пра інцыдэнт kraj.by распавяла афіцыйны прадстаўнік Маладзечанскага РАУС Юлія Крук
— У 21.50 на лінію 102 паступіла паведамленне, што на вуліцы Вялікі Гасцінец кіроўца з'ехаў з месца ДТЗ. Прычым скіраваўся ў заходнім кірунку ў бок вёскі Насілава.
У тым напрамку выехалі супрацоўнік ДАІ і супрацоўнік крымінальнага вышуку. На аўтадарозе Маладзечна — Смаргонь яны заўважылі «Таёту Лэнд Крузер», якая віхляў з боку ў бок, перыядычна выязджаючы на «сустрэчку».
Праваахоўнікі прайшлі за аўтамабілем у вёску Асанава. На вуліцы Новай кіроўца «Таёты» спыніўся. Ззаду яго блакаваў патрульны аўтамабіль міліцыі, а спераду — «Аўдзі» чалавека, які паведаміў пра ДТЗ.
— Праваахоўнікі падышлі да «Таёты», прадставіліся. Кіроўца выдатна бачыў і разумеў, што перад ім супрацоўнікі міліцыі, — адзначыла Юлія Крук. - Але на законныя патрабаванні выйсці з аўтамабіля мужчына не рэагаваў. А пасля паспрабаваў з'ехаць: паехаў назад, урэзаўся ў службовы аўтамабіль і пры здзяйсненні развароту ледзь не збіў інспектара ДАІ.
Тады супрацоўнік крымінальнага вышуку стрэліў па дзвюх колах. Аднак кіроўца працягнуў ехаць. У вёсцы Насілава, за радарам, ён з'ехаў у кусты і стаў уцякаць.
- Кіроўца ў выніку быў затрыманы і з месца здарэння дастаўлены ў ІЧУ. Ад медыцынскага агляду адмовіўся. Пры ім былі знойдзеныя два пашпарты грамадзяніна РФ і два пасведчанні кіроўцы.
У адносінах да расіяніна складзена 7 пратаколаў. Аўтамабіль дастаўлены на штрафную стаянку.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся9
Каментары