Беларусь захоўвае абсалютную прыхільнасць ідэі саюзнага будаўніцтва з Расіяй, аднак асноўным прынцыпам адпаведнага праекта з'яўляецца стварэнне роўных умоў.
Аб гэтым кіраўнік дзяржавы Аляксандр Лукашэнка заявіў сёння на нарадзе па пытаннях удзелу ў інтэграцыйных структурах і супрацоўніцтва з еўрапейскімі арганізацыямі, піша БелТА.
«Беларусь захоўвае абсалютную прыхільнасць ідэі саюзнага будаўніцтва. Хачу, каб гэта перш за ўсё пачулі нашы прыхільнікі і апаненты ў Расійскай Федэрацыі. Пры гэтым асноўны прынцып гэтага праекта — роўныя ўмовы для нашых суграмадзян і суб'ектаў гаспадарання. На іншых прынцыпах саюз немагчымы. І прынцып роўных умоў павінен няўхільна выконвацца. Пастулат суверэнітэту таксама застаецца для Беларусі непарушным», — сказаў кіраўнік дзяржавы.
Аляксандр Лукашэнка адзначыў, што гістарычна самае шырокае поле для ўзаемадзеяння склалася з Расіяй. Але з прычыны гэтага прысутнічае і значны набор пытанняў, якія неабходна абмяркоўваць і вырашаць. «Самыя актуальныя праблемы знаходзяцца сёння ў эканамічнай сферы. У іншых другіх праблем практычна не існуе», — падкрэсліў беларускі кіраўнік.
Цяпер чытаюць
Анжаліку Мельнікаву бачылі ў Мінску ў «Дана Моле»60
Каментары