Гэтай восенню прэзідэнт Эстоніі Керсці Кальюлайд будзе працаваць у Нарве тры тыдні. Яе першы працоўны тыдзень пачаўся сёння, і гэтым разам прэзідэнт прапрацуе ў Нарве дзесяць дзён, піша Postimees.
Прэзідэнт будзе начаваць у гасцявым доме Elektra і працаваць у памяшканнях нарвскага каледжа Тартускага універсітэта, дзе ёй выдзелены адзін пакой для нарадаў і пара кабінетаў.
З работнікаў разам з прэзідэнтам паедуць чыноўнікі ў адпаведнасці з патрэбамі і распарадкам дня. У дзень у Нарве будзе дзясятак работнікаў прэзідэнцкай канцылярыі — дарадцы, дырэктар канцылярыі, афіцэры для даручэнняў.
У снежні 2017 года Кальюлайд паведаміла, што плануе месяц працаваць у рускамоўнай Нарве, каб паказаць, што эстонская абшчына, эстонскае грамадства прысутнічае ў Нарве, шануе Нарву».
Кальюлайд дадала, што з Нарвай яе звязваюць шматлікія пазітыўныя ўспаміны.
Цяпер чытаюць
Анжаліку Мельнікаву бачылі ў Мінску ў «Дана Моле»58
Каментары