На палігоне пад Ульянаўскам адбыліся сумесныя беларуска-расійскія вучэнні міратворчых сіл.
Па легендзе вучэнняў, краіна Дамасія папрасіла дапамогі: яе ўрадавыя сілы ваююць з атрадамі «умеранай» (як пішуць на вайсковых сайтах) апазіцыі, актывізаваліся сепаратысты.
Падчас вучэнняў міратворцы адпрацавалі высотнае дэсантаванне з вышыні трох кіламетраў, супрацьдзеянне беспілотнікам і атрадам «сепаратыстаў». Таксама яны вучыліся аказваць дапамогу мірнаму насельніцтву, якое зачапіла баявымі дзеяннямі.
«Сумесная аперацыя выканана. Створаны ўмовы для далейшага мірнага суіснавання Дамасіі, канстытуцыйны лад і тэрытарыяльная цэласнасць дзяржавы захаваныя. Дзейнасць экстрэмісцкіх арганізацый спынена», — піша пра вучэнні газета «Во славу родіны».
Каментары