Даследчыкі з Сэнт-Эндрускага ўніверсітэта ў Вялікабрытаніі прапанавалі мільён даляраў таму, хто зможа разгадаць старую шахматную загадку.
«Задача пра восем ферзяў» вядомая з 1850 года. Яе сутнасць заключаецца ў тым, каб расставіць на стандартнай шахматнай дошцы ў 64 клеткі восем ферзяў такім чынам, каб ніводны з іх не атакаваў іншага.
Гэтую задачу можа рашыць і чалавек, а пры ўскладненні ўмоваў (павелічэнні памеру поля і колькасці фігур) з галаваломкай спраўляецца камп'ютар. Аднак калі памер дошкі павялічваецца до 1000 на 1000 клетак, праграма завісае.
Таму навукоўцы прапанавалі ўсім ахвотным паспрабаваць сябе і прыдумаць алгарытм для рашэння задачы ці ж даказаць, што яго няма ў прынцыпе. На думку даследчыкаў, той, хто зможа напісаць такую праграму, будзе здольны адаптаваць яе і для вырашэння іншых важных задач.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку
Каментары