«Белавія» пачала выконваць рэгулярныя рэйсы па маршруце Калінінград — Віцебск — Калінінград, паведамілі БЕЛТА ў прэс-службе авіякампаніі.
У іншыя абласныя гарады Беларусі авіякампанія ажыццяўляла палёты і раней. Пераважна на гэтых кірунках будуць задзейнічаныя CRJ-200 з перыядычнымі заменамі на іншыя тыпы паветраных судоў, якія ёсць у флоце авіякампаніі.
У прэс-службе адзначылі, што рэйсы з рэгіянальных аэрапортаў карыстаюцца попытам у пасажыраў. Паслуга запатрабаваная ў турыстаў, прадстаўнікоў бізнэсу, пасажыраў, якія ажыццяўляюць паездкі да сваякоў.
Як паведамляецца на сайце аэрапорта Храбрава (Калінінград), «Белавія» будзе лятаць у гэтым напрамку з частатой два разы на тыдзень па пятніцах і нядзелях да 8 верасня 2017 года ўключна. Вылет з Калінінграда запланаваны на 13.40, прыбыццё ў аэрапорт Віцебска — у 15.45. Рэйс з Віцебска — вылет у 16.15, прыбыццё ў аэрапорт Храбрава — у 16.25. Час для кожнага аэрапорта паказаны мясцовы. Працягласць палёту складзе крыху больш за гадзіну.
Акрамя кірунку на Віцебск, у летнім сезоне авіякампаніяй «Белавія» выконваюцца рэйсы з Калінінграда ў Мінск. У раскладзе запланавана да трох рэйсаў штодня. Таксама «Белавія» ў перыяд з чэрвеня па верасень з частатой двойчы ў тыдзень выконвае рэйсы ў Брэст — па панядзелках і чацвяргах, Гомель — па серадах і суботах, Гродна — па аўторках і пятніцах.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары