Улады ЗША зацвердзілі дадатак да анкеты для суіскальнікаў уязных віз, у якім, у ліку іншых, ёсць пытанне пра акаўнты ў сацсетках, паведамляе Reuters.
Дадатак зацверджаны адміністрацыйна-бюджэтным упраўленнем адміністрацыі прэзідэнта ЗША 23 мая. Тэрмін яго дзеяння - да 30 лістапада 2017 года.
Акрамя акаўнтаў у сацсетках, якія выкарыстоўваліся за апошнія пяць гадоў, у дадатку (узор на сайце амбасады ЗША ў Турцыі), суіскальніка візы могуць спытаць нумары ўсіх раней выдадзеных замежных пашпартоў, а таксама іх падрабязную біяграфію за 15 гадоў, у тым ліку дадзеныя аб працаўладкаванні і паездках у розныя краіны свету.
Рашэнне аб запаўненні дадатку прымае супрацоўнік консульскага аддзела пасольства на сваё меркаванне. Дадатковыя пытанні могуць быць зададзены ў тым выпадку, калі такая інфармацыя «патрэбна для пацверджання асобы або для правядзення пільнай праверкі ў інтарэсах нацыянальнай бяспекі», растлумачыў Дзярждэпартамэнт.
Суіскальнік візы не абавязаны адказваць на ўсе пытанні ў дадатку да анкеты, аднак, як указваецца ў дакуменце, адмова ад прадастаўлення інфармацыі можа запаволіць працэс разгляду візавай заявы або адмове ў візе.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары