19 снежня спаўняецца шэсць гадоў з дня Плошчы-2010. З гэтай нагоды Еўрарадыё запрасіла ў сваю студыю людзей, якія былі непасрэднымі ўдзельнікамі тых падзей. Госцем Еўрарадыё ў гэты дзень стаў Уладзімір Някляеў. Прапаноўваем поўны запіс размовы і выбраныя цытаты з яе:
«Я ўжо казаў, што першае, што мы зрабілі са Статкевічам пасля яго вызвалення — мы прааналізавалі ход падзей за 19 снежня 2010-га года. І прыйшлі да высновы, што ўсё гэта не было збегам абставінаў».
«Два чалавекі з чатырох кіраўнікоў «Гавары праўду» маюць куратараў у спецслужбах. Я гэта ведаю. Яны самі мне гэта сказалі пасля майго вызвалення з «Амерыканкі».
«Клянуся вам перад богам: я ведаў, што трэба рабіць на Плошчы. У мяне ўсё было распісана не на адзін дзень».
«Усе дэталі мы абмяркоўвалі ў вечар перад 19 снежня. Са Статкевічам і Дзмітрыевым. Усё было распісана па пунктах».
«Мне ў галаву не магло прыйсці, што мяне так па-злачыннаму падманвае мой начальнік штаба».
«Я думаў, што ў мяне ёсць каманда. Я ж рыхтаваў Плошчу 2015-га года».
«Пасля Майдану я зразумеў, што беларусы не пойдуць на Плошчу».
«Пасля турмы я яшчэ не страчваў надзею, што можа быць адзіны кандыдат на выбарах 2015-га года».
«Мне кажуць, што Статкевіч гэтыя пяць гадоў быў у гэбісцкім санаторыі. Што вы, людзі, балбочаце?»
«На жаль, да мяне амаль ніхто не далучыўся».
Каментары