У Беларусі няма забароны на прыход прыватнага капіталу ў сферу сельгасвытворчасці, але штучнай прыватызацыі ў гэтай сферы быць не павінна. Пра гэта Аляксандр Лукашэнка заявіў сёння на нарадзе аб перспектывах развіцця малых населеных пунктаў Аршанскага і Шклоўскага раёнаў, паведамляе БелТА.
«Так ці інакш, мы не забараняем прыватнікам прыходзіць у сельскую гаспадарку. Яны нямала сёння маюць зямель і нядрэнна некаторыя працуюць. Гэта трэба падтрымліваць. У гэтым, у прынцыпе, і перспектыва», — заявіў кіраўнік дзяржавы.
Адначасова ён падкрэсліў, што гэта не азначае масавай прыватызацыі ў сферы сельскай гаспадаркі. «Будзем зыходзіць з таго, наколькі гэта выгадна. Пойдзе тут — добра, але штучна рабіць нічога не будзем», — сказаў ён.
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа77
Каментары