Дэвелапер, які адбывае пакаранне, адкажа перад інвестарамі сваёй зямлёй
Упраўленне прымусовага выканання юрыдычнага аддзела Мінгарвыканкама працягвае латаць грашовыя дзіры, якія з'явіліся дзякуючы дзейнасць вядомага дэвелапера Сяргея Дземчука.
На 4 лістапада прызначаныя публічныя таргі, на якія выстаўлены зямельны надзел былога ўладальніка кампаній «Перспектыва-інвест Лад», «Сулона» і інш. Пачатковы кошт надзела ў 0,25 га, размешчанага ў вёсцы Лапаравічы пад Мінскам, складае 167 196 12 капеек.
У канцы верасня было выстаўлена на продаж за 4,5 млн даляраў памяшканне транспартнага прызначэння (21 684 кв. метра), якое належыць кампаніі «Фінанстрансгрупп» экс-дэвелапера Сяргея Дземчука.
Сяргей Дзямчук — адзін з першапраходцаў-бізнэсменаў сталічнага рынку нерухомасці, забудоўшчык Камароўкі і некалькіх дзясяткаў іншых аб'ектаў. З яго ўдзелам былі пабудаваны такія вядомыя гандлёвыя аб'екты, як «Паркінг», «Атлантык», «Зеркало», адна з кампаній бізнэсоўца — «Вытворча-інвестыцыйная група» — з'яўлялася акцыянерам «МінскКомплексБанк».
У 2012 годзе суд прызнаў вінаватым Сяргея Дземчука ў махлярстве, яго асудзілі на 8 гадоў калоніі. У 2015 годзе па іншай справе яму дадалі да гэтага тэрміну яшчэ адзін год. Бізнэсмен быў уладальнікам і саўладальнікам многіх кампаній, сярод якіх таксама «Перспектыва-Інвест Рыд», «Паркінг-Інвест Буд», «Сталічны цэнтр», «Вайсковец».
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары