Лагвінец прапанаваў Губарэвічу дуумвірат. Той адказаў: «Гэта слабая прапанова»
Кандыдат на пасаду старшыні руху «За свабоду» Алесь Лагвінец выступіў з прапановай увесці сустаршынства ў арганізацыі, каб цалкам выключыць магчымасць расколу.
Лагвінец адзначыў, што цяпер у руху «За свабоду» адбываецца дыскусія, якая «збольшага праходзіць у цывілізаваных рамках». Але ў некаторых сябраў руху ёсць асьцярогі наконт будучыні арганізацыі:
«Рух — гэта каштоўнасць для нас усіх. Усё ж такі ёсць розныя размовы пра тое, што ён можа разваліцца. Каб пазбегнуць пагрозы развалу (у якую я, дарэчы, не веру), каб паспрабаваць будаваць тое, дзеля чаго шмат хто з нас стаяў на Плошчы, я прапаноўваю, каб мы ўнеслі змены ў статут. Я прапаноўваю, каб на пераходны перыяд цягам двух гадоў мы ўвялі сустаршынства, дзе Юрась Губарэвіч і я з'яўляемся сустаршынямі», — заявіў Алесь Лагвінец на прэс-канферэнцыі ў Менску.
Лагвінец пры гэтым папярэдзіў, што ягоная прапанова не азначае, што ён здымае сваю кандыдатуру з выбараў старшыні руху «За свабоду».
Юрась Губарэвіч у каментары Свабодзе заявіў, што не бачыць падставаў падтрымаць прапанову Лагвінца аб сустаршынстве:
«Я лічу, што гэта слабая прапанова перадусім для самой арганізацыі. Яна не дасьць карысці руху, бо так ці інакш будзе прадаўжацца перацягванне канату. На сёньняшні дзень мы абодва заявілі пра свой намер выйграць, і не бачу сэнсу, чаму нехта павінен саступаць. Тым больш што і Алесь, і я адназначна заяўлялі, што будзем заставацца ў руху. Я веру, што кожны стрымае свае словы і ніякага расколу можна не баяцца», — кажа Губарэвіч.
***
Выбары старшыні руху «За свабоду» адбудуцца на справаздачна-выбарчай канферэнцыі арганізацыі, якая адбудзецца 16 кастрычніка ў Мінску.
Пра мяжу з Расіяй, актыўны байкот і прэзідэнцкія амбіцыі — вялікая гутарка з Алесем Лагвінцом
Пра Лагвінца, Канапацкую і сваю палітычную мару — вялікая гутарка з Юрасём Губарэвічам
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары