Амерыканскія ВПС перафарбоўваюць свае самалёты-«агрэсары» ў расійскі камуфляж
Знішчальнікі F-16 з 64-й «агрэсарскай» эскадрыллі, якая знаходзіцца на базе Нэліс у Невадзе, перафарбоўваюцца ў новы камуфляж, «каб адлюстроўваць рэальныя пагрозы падчас трэніроўкі пілотаў», піша airforcetimes.com
Эскадрылля, якая афіцыйна называецца агрэсарскай, служыць для таго, каб выступаць праціўнікам падчас вучэбных баёў для звычайных адзінак ВПС ЗША.
У афіцыйным прэс-рэлізе на сайце ВПС ЗША Расія не згадваецца, але адзначаецца, што «гэтая новая схема лепш адпавядае сённяшнім пагрозам».
Airforcetimes.com пры гэтым наўпрост адзначае, што камуфляж наўпрост адпавядае схеме расфарбоўкі аднаго з доследных экземпляраў расійскага шматмэтавага знішчальніка Су-35.
Падобнага тыпу камуфляж выкарыстоўваецца таксама на доследных узорах расійскага знішчальніка пятага пакалення ПАК-ФА.
Для самалётаў-«агрэсараў» таксама распрацоўваецца яшчэ адна схема камуфляжу — таксама ўзятая з аднаго з расійскіх ПАК-ФА.
Па кантракце з ВПС ЗША распрацоўвае расфарбоўку і фарбуе самалёты-«агрэсары» прыватная кампанія M1 Support Services, якая створаная ветэранамі, якія служылі як раз у амерыканскіх адзінках, якія сімулююць дзеянні праціўніка.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары