У Беларусі могуць абмежаваць дзейнасць кантактных заапаркаў, паведаміла 27 чэрвеня на прэс-канферэнцыі начальнік упраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Беларусі Наталля Мінчанка.
Паводле яе слоў, Мінпрыроды вывучыла спрэчкі, якія ўзніклі ў тым ліку ў інтэрнэце, аб іх нядаўнім з'яўленні ў гандлёвых цэнтрах Мінска і звярнулася з прапановай у Міністэрства жыллёва-камунальнай гаспадаркі з тым, каб абмежаваць дзейнасць такіх заапаркаў.
«Мы не можам увесь працэс функцыянавання гэтых заапаркаў кантраляваць, не можа яго кантраляваць і сам уладальнік, — сказала яна. — Акрамя бяспекі людзей і жывёл, ёсць яшчэ пытанні санітарна-гігіенічныя і іншыя, таму наша прапанова была — абмежаваць кантакт жывёл з чалавекам».
Як адзначыла кансультант упраўлення жыллёвай гаспадаркі Міністэрства ЖКГ Віялета Андрыянава, гэтая прапанова была ўлічаная пры унясенні дапаўненняў і змяненняў у Закон Рэспублікі Беларусь «Аб жывёльным свеце», асноўныя палажэнні якога ўступяць у сілу 30 чэрвеня 2016 года.
За абмежаванне дзейнасці кантактных заапаркаў выказаўся і генеральны дырэктар Навукова-практычнага цэнтра па біярэсурсах Алег Барадзін.
«Даваць дзецям гладзіць янотападобнага сабаку — гэта выходзіць за межы ўсяго», — пракаментаваў ён.
Мінчанка патлумачыла, што калі закон будзе прыняты, уладальнікі кантактных заапаркаў будуць абавязаныя забяспечыць агароджу ад непасрэдных кантактаў людзей і жывёл. «Калі ўмовы ўтрымання жывёл будуць адпавядаць нормам, то такія ўстановы могуць працягваць працаваць, але без асабістага кантакту. Можна будзе толькі паглядзець на жывёл і, напрыклад, працягнуць моркаўку».
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары