Аўстраліец збіраўся напакаваць сумку кенгуру выбухоўкай, намаляваць на ёй сімволіку «Ісламскай дзяржавы» і нацкаваць яе на паліцыю, заявіў бок абвінавачвання падчас слуханняў у судзе Мельбурне.
Суд над 19-гадовым Сеўдэтам Рамаданам Бесімам пачаўся ў чацвер. Ён абвінавачваецца, сярод іншага, у планах задавіць аўтамабілем паліцэйскага, а затым абезгаловіць яго. Улады настойваюць, што юнак наведваў тэрарыстычныя сайты ў інтэрнэце, а таксама абмяркоўваў планы тэракту.
«Я хацеў бы забіць некалькіх паліцэйскіх», - пісаў Бесім, як сцвярджае паліцыя.
Тэлекампанія ABC цытуе дакумент, прадстаўлены абвінавачваннем, у якім выкладаецца план стварэння выбуховага кенгуру.
Напад павінен быў адбыцца 25 красавіка, калі Аўстралія і Новая Зеландыя ўшаноўваюць памяць сваіх жаўнераў палеглых на фронце.
Бесім адмаўляе выстаўленыя яму абвінавачванні ў тэрарызме.
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў6
Каментары