Але прыхільнікі апазіцыйнай Нацыянальнай лігі за дэмакратыю яшчэ з нядзелі святкуюць перамогу.
Выбарчая камісія М'янмы 9 лістапада адклала абвяшчэнне першых вынікаў парламенцкіх выбараў, якія прайшлі ў нядзелю пры рэкорднай яўцы. У той жа час прадстаўнікі апазіцыі ўжо святкуюць перамогу.
Першыя вынікі парламенцкай кампаніі павінны былі быць абвешчаныя ў 09:00 па мясцовым часе (05:30 па Мінску). Аднак абвяшчэнне вынікаў без тлумачэння прычын было перанесена на другую палову дня. У выбаркаме абяцаюць паступова апублікаваць вынікі галасавання па кожным суб'екце краіны (14 штатаў і адміністрацыйных абласцей).
У той жа час прыхільнікі апазіцыйнай Нацыянальнай лігі за дэмакратыю (НЛД) яшчэ з нядзелі святкуюць перамогу. Тысячы людзей у Янгоне сабраліся каля дома лідара партыі, лаўрэата Нобелеўскай прэміі міру Аун Сан Су Чжы з транспарантамі: «Мы перамаглі». «Мы пакуль не можам паведаміць вам дакладныя дадзеныя. Магу толькі сказаць, што ў НЛД вельмі добрыя пазіцыі», — паведаміў прадстаўнік партыі Цін О.
Як адзначаюць назіральнікі, для перамогі НЛД неабходна атрымаць дзве траціны месцаў у абедзвюх палатах парламента, бо 25%, згодна з мясцовым заканадаўствам, аўтаматычна зарэзерваваны за ўзброенымі сіламі краіны. Пры гэтым кіруючай Саюзнай партыі салідарнасці і развіцця (СПСР), якая мае падтрымку ў войску, для абсалютнай перамогі будзе дастаткова толькі 40% месцаў у парламенце.
Парламент у М'янме з'явіўся толькі ў 2010 годзе. Да гэтага ў краіне з 1962 года захоўвалася ваенная дыктатура. Па дадзеных мясцовых СМІ, яўка ўчора склала каля 80%. Аднак выбаркам рэспублікі гэтыя дадзеныя пакуль не пацвердзіў.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары