Дзеля дэманстрацыі тэхналогіі мозг мышы разрэзалі на нанашматкі.
Амерыканскія навукоўцы распрацавалі тэхналогію аўтаматычнага маркіравання асобных нейронаў у мозгу і распавялі пра яе ў часопісе Cell. Праект распрацоўваўся пры падтрымцы Нацыянальнага інстытуту аховы здароўя ЗША, а таксама DARPA, Intel, Google і іншымі.
Праз тэхналогію VAST карцінкі з мікраскопаў можна ператвараць у масівы звестак, з якіх пазней можна будзе сабраць дэталёвую 3D-мапу мозгу. Праўда, мапа нават квадратнага міліметра мозгу выходзіць пакуль занадта дэталёвай — на пару тысяч тэрабайт.
Як захаваць поўную мапу, навукоўцы пакуль не прыдумалі.
Дэманстрацыйнае відэа тэхналогіі стваралася цягам двух год. Даследчыкі скарысталіся мозгам дарослай мышы, падзялілі яго на шматочкі таўшчынёй у 29 нанаметраў і сфатаграфавалі на крэмніевых падкладках. Здымкі затым былі апрацаваныя VATS — атрымалася пабачыць не толькі клеткі і сувязі між імі, але і субклеткавыя адзінкі.
Далёкія перспектывы тэхналогіі неймаверныя — яна можа багата распавесці пра мозг і інтэлект, дапамагчы ў лекаванні ці стварэнні суперкамп’ютараў. Але далейшы напрамак развіцця тэхналогіі на бліжэйшыя гады пакуль невядомы.
Чаму YouTube выдаліў каналы БелТА, СТБ і АНТ? Вось што вядома11
Каментары