У Мазыры на рацэ Прыпяць прагулачны цеплаход «Смелы» сеў на мель. 13 пасажырам спатрэбілася дапамога ў эвакуацыі, паведамілі ў прэс-службе Гомельскага абласнога ўпраўлення МНС.
Інцыдэнт адбыўся 30 ліпеня каля 18.00. Выкарыстоўваючы катар і лодку, пасажыраў перавезлі на бераг. Пацярпелых няма. Пасля таго як эвакуацыя завяршылася, цеплаход без старонняй дапамогі сышоў з мелі і прыбыў на месца дыслакацыі ў парк Перамогі раённага цэнтра.
На рэках Гомельшчыны ўзровень вады цяпер ніжэй крытычных адзнак. З-за працяглай засухі рэкі абмялі практычна паўсюдна, таму на дадзены момант прыпынена грузавое суднаходства паміж партамі. Таксама зведзеныя да мінімуму рачныя прагулачныя маршруты.
Каментары