На 53-м годзе жыцця памёр першы саліст групы «А'Студыа» Батырхан Шукенаў. Пра гэта ў сераду, 29 красавіка, піша газета «Маскоўскі камсамолец».
Па папярэдніх дадзеных, спявак памёр ад сардэчнага прыступу. Падрабязнасці трагедыі невядомыя. Свае спачуванні паспяшалася выказаць калега Шукенава па групе Кэці Тапурыя.
Афіцыйна аб факце смерці музыкі не паведамлялася.
Батырхан Шукенаў нарадзіўся ў маі 1962 года ў Казахстане. Музычную кар'еру пачаў з пасады саксафаніста ў спявачкі Розы Рымбаевай. У 1988 годзе сумесна з сябрамі стварыў групу «А'Студыа», стаў яе салістам і фронтмэнам. Ансамбль праславіўся хітамі «Джулія», «Салдат кахання».
Артыст пакінуў групу ў 2000 годзе дзеля сольнай кар'еры. За гэты час выпусціў шэсць дыскаў са сваімі песнямі.
Песня ў выкананні Батырхана на казахскай «Атан Ана»:
«Наша радзіма — гэта бязмежныя стэпы Сарыарка, блакітныя хвалі Каспія, якія падпіраюць неба горы Алатау, аксамітны прыбой Балхаша… Наша радзіма — Казахстан».
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары