Польскія мытнікі спынілі кантрабанду беларускіх цыгарэт на паўмільёна даляраў. Груз быў замураваны ў бетонным пралёце моста.
Як паведамляе прэс-служба Мытнай службы Польшчы, усяго было канфіскавана 185 тысяч пачкаў цыгарэт маркі «Фэст» вытворчасці гарадзенскай тытунёвай фабрыкі «Нёман». Кантрабанда на суму больш за $500 тысяч была знайдзеная ў раёне польска-літоўскай мяжы. Дзясяткі тысяч пачкаў цыгарэт былі схаваныя ўнутры 20-тоннага пралёта моста, які па прадстаўленых кіроўцам дакументах перавозіўся з Масквы ў Польшчу.
Цыгарэты знайшлі ў выніку праверкі бетоннага грузу з дапамогай рэнтгену. А каб дастаць іх з такога хітрага тайніка, спатрэбіўся спецыяльны кран і інструменты.
За рулём грузавіка знаходзіўся 33-гадовы грамадзянін Беларусі, ён затрыманы. Распачатая крымінальная справа. За незаконны ўвоз цыгарэт беларусу пагражае пакаранне да 10 гадоў пазбаўлення волі.
У цяперашні час польскія следчыя спрабуюць вызначыць, адкуль на самай справе везлі цыгарэты і хто павінен быў быць фактычным атрымальнікам грузу.
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа52
Каментары