«Дзяржава стварыла ўмовы для нармальнай работы ў Беларусі ўсіх канфесій», — заявіў сёньня Аляксандар Лукашэнка і ўхваліў стварэньне праваслаўнага радыё.
Кіраўнік дзяржавы Аляксандр Лукашэнка лічыць магчымым стварэнне ў Беларусі праваслаўнай радыёстанцыі. Аб гэтым ён заявіў сёння на сустрэчы з членамі Сінода Беларускай праваслаўнай царквы.
З такой прапановай да кіраўніка дзяржавы звярнуўся Мітрапаліт Мінскі і Слуцкі Філарэт, Патрыяршы Экзарх усяе Беларусі.Паводле яго слоў, тэле- і радыёпраграмы на рэлігійныя тэмы часта выходзяць у эфір у час, нязручны для гледачоў і слухачоў.
Вялікую заклапочанасць Беларускай праваслаўнай царквы выклікае таксама распаўсюджванне ў СМІ, у тым ліку і праз Інтэрнэт, рэкламы лжэнавук і розных акультных паслуг, дзейнасці астролагаў, экстрасэнсаў, варажбітак.
Уладыка Філарэт падкрэсліў, што царква занепакоена масавымі абортамі, што ў сваю чаргу з'яўляецца галоўнай пагрозай дэмаграфічнай бяспецы. "Абвастрэнне дэмаграфічнай праблемы ў многім адбываецца з-за падмены традыцыйных маральных і рэлігійных каштоўнасцей, што прыводзіць да дэградацыі цэлых пакаленняў", - сказаў ён.
Беларуская праваслаўная царква выступіла з ініцыятывай стварэння грамадскага савета па маральнасці, куды ўвайшлі б прадстаўнікі царквы, дзеячы культуры і навукі. Як адзначыў прэзідэнт, стварэнне такога савета ў краіне стала б не толькі прызнаннем праблем у гэтай галіне, але і ў першую чаргу дзейсным крокам у іх вырашэнні.
Занепакоенасць вернікаў выклікае і ўвядзенне ў рэспубліцы рэгістра ўліку насельніцтва, біяметрычнай сістэмы кантролю. Паводле слоў мітрапаліта, людзі не ўпэўнены, што будуць абаронены ад незаконнага ўмяшання і кантролю за іх асабістым жыццём, дастатковай абароненасцю такой інфармацыі ад яе проціпраўнага выкарыстання.
Уладыка Філарэт таксама выказаўся за стварэнне мемарыяла на Мінскіх брацкіх могілках, які ўшанаваў бы памяць праваслаўных абаронцаў Айчыны, у прыватнасці воінаў Першай сусветнай вайны.
Каментары