Напярэдадні прадпрымальніцкай акцыі пратэсту на Кастрычніцкай плошчы, заплянаванай на 12.00 10 студзеня, адміністрацыі шэрагу сталічных рынкаў пачалі папярэджваць гандляроў пра адказнасьць за парушэньне рэжыму працы.
Напярэдадні прадпрымальніцкай акцыі пратэсту на Кастрычніцкай плошчы, заплянаванай на 12.00 10 студзеня, адміністрацыі шэрагу сталічных рынкаў пачалі папярэджваць гандляроў пра адказнасьць за парушэньне рэжыму працы.
У Сеціве зьявіўся тэкст аб’явы, якую адміністрацыя кірмашу «Сьвет кнігаў», распаўсюдзіла сярод прадпрымальнікаў: «10 студзеня 2008 г. з 11.30 па 15.00 адбудзецца праверка выкананьня рэжыму працоўнага дня камісіяй у складзе прадстаўнікоў Менгарвыканкаму, МНС і МУС. У выпадку закрыцьця гандлёвага месца без уважлівай прычыны і адсутнасьці прадаўца розьнічная ліцэнзія будзе ануляваная».
«Лідэры прадпрымальніцкага руху ўжо ў курсе сытуацыі» — патлумачыў сябра руху «За свабоднае разьвіцьцё прадпрымальніцтва» Віктар Калей. Па яго словах, адміністрацыі менскіх рынкаў атрымалі цэнтралізаваны загад нэўтралізаваць заўтрашнюю акцыю. І цяпер кіраўніцтва рынкаў, як у выпадку з кірмашом «Сьвет кнігаў», праяўляе фантазію, кажа сп. Кулей. Паводле інфармацыі Аляксандра Макаева, на Ждановіцкім рынку адміністрацыя папярэджвае індывідуальных прадпрымальнікаў пра адказнасьць за парушэньне рэжыму працы.
Варта адзначыць, што ў сёньняшнім нумары «Советской Белоруссии» зьявіўся на гэтую тэму артыкул «Гульні з ралетамі». У ім ні слова пра прычыны закрыцьця часткі гандлёвых кропак у сталічных гандлёвых цэнтрах, аднак гаворыцца пра тое, што ад «легкадумнасьці» прадпрымальнікаў церпяць спажыўцы. І дадаецца камэнтар начальніка ўпраўленьня прадпрымальніцтва Менгарвыканкаму Аляксандра Каліноўскага пра пагрозу пазбаўленьня прадпрымальніка ліцэнзіі за парушэньне рэжыму працы гандлёвай кропкі.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай2
Каментары