Цана на газ складзе каля 125 даляраў плюс-мінус 10 - намміністра прамысловасьці Расіі
Пра гэта заявіў журналістам 19 кастрычніка намесьнік міністра прамысловасьці і энэргетыкі Расіі Іван Мацераў, які прыбыў у Менск у складзе дэлегацыі РФ для ўдзелу ў пасяджэньні савету міністраў саюзнай дзяржавы.
Цана на расійскі газ для Беларусі ў 2008 годзе складзе прыблізна 125 долараў за тысячу кубаметраў. Пра гэта заявіў журналістам 19
кастрычніка намеснік міністра прамысловасці і энергетыкі Расіі Іван Мацераў, які прыбыў у Мінск у складзе дэлегацыі РФ для ўдзелу ў пасяджэнні савета міністраў саюзнай дзяржавы.
"Згодна з формулай разліку цаны, указанай у кантракце, цана газу для Беларусі будзе прыблізна 125 долараў. Роскід можа скласці плюс-мінус 10 долараў", — сказаў І.Мацераў. Пры гэтым ён падкрэсліў, што канчатковая цана на газ для Беларусі павінна быць вызначана да 1 студзеня 2008 года.
Паводле слоў намесніка міністра, пытанне аб кошце нафты і газу не будзе абмяркоўвацца на пасяджэнні Савета міністраў Саюзнай дзяржавы. "Паколькі 31 снежня мінулага года быў падпісаны кантракт па пастаўках газу ў Беларусь, пытанні паліўна-энергетычнага комплексу вырашаны ў аўтаматычным рэжыме, — сказаў І.Мацераў. — Дасягнуты таксама дамоўленасці па пастаўках нафты ў Беларусь. Вывазныя пошліны і спосаб іх раздзелу таксама ўстаноўлены".
Кажучы пра надзейнасць паставак расійскіх энерганосьбітаў, намеснік міністра зазначыў, што "Газпром" ніколі не парушаў сваіх абавязацельстваў па пастаўках". "Пасля распаду СССР з'явілася шмат транзітных краін з занадта развітым самалюбствам", — зазначыў І.Мацераў, дадаўшы пры гэтым, што ён "не мае на ўвазе Беларусь".
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары