Дзяржаўны доўг Рэспублікі Беларусь на 1 жніўня 2013 года склаў 141,2 трлн. рублёў і павялічыўся ў параўнанні з пачаткам года на 12,5 трлн. рублёў, ці на 9,7%.
Як адзначаюць у Міністэрстве фінансаў, павелічэнне дзярждоўгу ў 2013 годзе галоўным чынам абумоўлена ростам знешняй дзяржаўнай завінавачанасці.
Так, знешні дзярждоўг па стане на 1 жніўня склаў 12,4 млрд. долараў ЗША, павялічыўшыся з пачатку года на 398,6 млн. долараў, ці на 3,3% (з улікам курсавых розніц).
У 2013 годзе прыцягнуты знешнія дзяржаўныя пазыкі на 1 млрд. 590,8 млн. долараў ЗША: 880 млн. долараў па крэдыце АКФ ЕўрАзЭС; 351,4 млн. долараў па дзяржаўным экспартным крэдыце ўрада Расіі, які выдзяляецца для будаўніцтва АЭС на тэрыторыі Рэспублікі Беларусь; 276,1 млн. долараў па крэдытах банкаў КНР; 83,3 млн. долараў ЗША па крэдытах Сусветнага банка.
Паводле даных Мінфіна, пагашэнне знешняга дзярждоўгу з пачатку года склала 1 млрд. 143,6 млн. долараў ЗША: 956,4 млн. долараў — выкананне абавязацельстваў перад МВФ па крэдыце стэнд-бай; 75 млн. долараў па крэдытах урада Расіі; 48,8 млн. долараў па крэдыце Банка эканамічнага і сацыяльнага развіцця Венесуэлы; 58,4 млн. долараў па крэдытах банкаў КНР; 5 млн. долараў па іншых знешніх дзяржаўных пазыках.
Унутраны дзяржаўны доўг Беларусі па стане на 1 жніўня 2013 года склаў 31,1 трлн. рублёў, павялічыўшыся з пачатку года на 5,2 трлн. рублёў, ці на 20,2% (з улікам курсавых розніц).
Як адзначаюць у Мінфіне, павелічэнне ўнутранага дзярждоўгу ў 2013 годзе абумоўлена размяшчэннем валютных дзяржаўных аблігацый для юрыдычных і фізічных асоб у памеры 625,3 млн. долараў ЗША, ці 5,4 трлн. рублёў, і зніжэннем афіцыйнага курсу беларускага рубля ў адносінах да долара ЗША.
Пагашэнне ўнутранага дзяржаўнага доўгу з пачатку 2013 года склала 0,8 трлн. рублёў.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага5
Каментары