«У сувязі з вытворчымі абставінамі».
Адной зь першых ахвяр канфлікту вакол кіраўніцтва тэлеканалу ТВі стаў вядучы праграмы «Проти ночі» беларус Павал Шарамет.
Пра звальненьне напісаў сам Павал Шарамет у сэрвісе Twitter.
Новае кіраўніцтва канала заявіла, што болей не мае патрэбы ў паслугах Шарамета «у сувязі з вытворчымі абставінамі». Заплянаваны на сёньня выхад перадачы Шарамета скасоўваецца.
Павел напісаў на афіцыйным лісьце сваю рэакцыю: «Катэгарычна ня згодны з гэтым рашэньнем, лічу гэта валюнтарызмам і цэнзурай. Ганьба захопнікам каналу».
Канфлікт новых інвэстараў і новага кіраўніцтва каналу ТВі з папярэднікамі доўжыцца некалькі дзён. Большасьць журналістаў учора абвясьцілі страйк. Гучаць заявы пра рэйдэрскі захоп тэлеканалу. Ва Ўкраіне пабойваюцца, што нечаканая зьмена інвэстара і кіраўніцтва гэта ставіць пад пагрозу існаваньне гэтага каналу як незалежнага ад уладаў.
Каментары