Каляндар
2 — Дзяды.
2 — 75 гадоў з дня нараджэньня Аляксандра Баршчэўскага (1930, псэўд. Алесь Барскі) — літаратуразнаўца, перакладчыка й фальклярыста, прафэсара Варшаўскага ўнівэрсытэту.
4 — заканчэньне Рамадану ў мусульманаў.
8 — 75 гадоў з часу запуску першай у БССР электрастанцыі БелДРЭС (Беларуская дзяржаўная раённая электрастанцыя, 1930). Працуе на торфе.
11 — 50 гадоў з дня нараджэньня літаратуразнаўцы Галіны Тычкі (1955). На пачатку 1990-х разам з археолягам Эдвардам Зайкоўскім напісала славутую кнігу «Старадаўняя беларуская кухня».
14 — 100 гадоў з дня нараджэньня заходнебеларускага паэта Міхася Васiлька (сапр. Мiхаiл Касьцевiч; 1905—1960).
15 — 75 гадоў таму ў Несутычах на Наваградчыне нарадзілася Тамара Стагановiч, беларуская мастачка ў ЗША, дачка пасла ў польскім сойме Аляксандра Стагановіча.
15 — 50 гадоў з дня нараджэньня мастака Сяргея Войчанкі (1955—2004). Найбольшую славу набыў у творчым дуэце з Уладзімерам Цэсьлерам.
16 — 100 гадоў з дня нараджэньня пісьменьніка Яна Скрыгана (1905—1992).
20 — 75 гадоў таму Янка Купала, якога цкавала савецкае НКВД, зрабіў спробу самагубства (1930). Харакіры не ўдалося — паэту перашкодзіла пільнае атачэньне.
21 — 175 гадоў з дня сьмерці астранома, матэматыка, філёзафа Яна Сьнядэцкага (1756—1830), рэктара Віленскага ўнівэрсытэту ў 1806—1815 г.
24 лістапада — 100-годзьдзе з дня нараджэньня дырыжора, народнага артыста Беларусі Лява Любімава (1905—1977). У 1951—1964 г. быў галоўным дырыжорам тэатраў опэры й балету Беларусі, паставіў творы Я.Цікоцкага («Дзяўчына з Палесься»), Ю.Семянякі («Калючая ружа»), С.Манюшкі («Страшны двор»).
26 — 75 гадоў Уладзімеру Караткевічу (1930—1984).
26 — 150 гадоў з дня сьмерці Адама Міцкевіча (1798—1855).
26 — 200 гадоў з дня нараджэньня кнiгавыдаўца, публiцыста, мэмуарыста, аднаго з арганiзатараў паўстаньня 1830—1831 г. на тэрыторыi Беларусi Яўстаха Янушкевiча (1805—1874), у эмiграцыi (Францыя) выдаваў творы А.Міцкевіча, Ю.Славацкага, І.Лялевеля.
29 — 175 гадоў ад пачатку вызвольнага паўстаньня 1830 г. у Варшаве, што ўвайшло ў гісторыю пад назвай Лістападаўскага. У Беларусі й Літве яно пачалося ў 1831 г.
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары