Навіны тэнісу
Першая ракетка Беларусі Максім Мірны вярнуўся з чацьвёртага на другое месца ў сусьветным рэйтынгу найлепшых парных тэнісістаў. Першае месца трымае ягоны напарнік у парным разрадзе — швэд Юнас Б’ёркман. У мінулую нядзелю беларус разам з расейцам Міхаілам Южным выйграў турнір «Кубак Крамля». У адзіночным разрадзе беларус застаўся на 32-м месцы. Між тым у Менску за Домам афіцэраў у найбліжэйшы час зьявяцца крытыя тэнісныя корты.
Глебава траўма
Паўабаронца лёнданскага «Арсэналу» Аляксандар Глеб выбыў на два месяцы. Прычына — траўма калена, атрыманая ў часе гульні футбольнай зборнай Беларусі з Шатляндыяй. Такім чынам, беларускі футбаліст прапусьціць некалькі матчаў ангельскай прэм’ер-лігі і ўсе матчы «Арсэналу» ў групавым турніры Лігі чэмпіёнаў.
От, гэтыя акрабаты
На чэмпіянаце Эўропы ў Салёніках (Грэцыя) беларускія акрабаты заваявалі чатыры ўзнагароды — два сярэбраныя і два бронзавыя мэдалі. «Серабро» на рахунку трыё ў складзе Галіны Старэвіч, Тацяны Мотуз, Марыі Гіруць, а таксама «юніёрак» Ганны Дудкоўскай, Алісы Ўсманавай і Юліі Хрыпач. «Бронза» на рахунку дуэту Аліны Юшко і Кацярыны Мурашкі, а таксама мяшанага дуэту ў складзе Настасьсі Жарнасек і Сяргея Быхаўцава.
«Зорка» і «Славія» — на вылет
За тры туры да фінішу футбольнага чэмпіянату вызначыліся каманды, што расстаюцца з вышэйшай лігай. Гэта менская «Зорка-БДУ» і двухразовы чэмпіён Беларусі (1996, 2000) мазырская «Славія». На зьмену ім у вышэйшую лігу вярнуліся бабруйская «Белшына» і віцебскі «Лякаматыў». У суботу 22 кастрычніка салігорскі «Шахтар» можа афіцыйна аформіць званьне чэмпіёна. Для гэтага гарнякам дастаткова не прайграць дома жодзінскаму «Тарпэда».
АР, belapan.com, belta.by
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары