Biełaruskija aficery zarablajuć u 3-5 razoŭ mienš za kaleh u susiednich krainach.
U Biełarusi časta možna pačuć narakańni: maŭlaŭ, «tolki vajskoŭcy i milicyja ŭ nas žyvuć». Ci heta tak? My vyrašyli paraŭnać, kolki zarablajuć biełaruskija aficery i ich kalehi z susiednich krainaŭ.
Siaredniamiesiačny zarobak śpiecyjalista Departamienta palicyi Litvy (heta nižejšaja palicejskaja pasada) składaje 2522 lity, paviedamili nam u pasolstvie Litvy. Hałoŭny śpiecyjalist atrymlivaje 3592 lity, načalnik adździeła — 4570. Hienieralny kamisar Departamienta (najvyšejšaja palicejskaja pasada) zarablaje 6976 litaŭ.
Siaredni zarobak lejtenanta Litoŭskaj armii składaje 2500-3000 litaŭ.Dalar, nahadajem, siońnia kaštuje 2,6 lita.
Jak paviedamili ŭ ambasadzie Polščy, ich aficery palicyi zarablajuć 3500-3800 złotych. Siaredni zarobak aficeraŭ u Vojsku Polskim vyšejšy — ad 4500 złotych. Kurs złotaha da dalara składaje 3,4.
Ad 1 studzienia ŭ Rasii zarobki ŭ palicyi značna vyrastuć. Lejtenant pieršaha hoda słužby budzie zarablać 33 tysiačy rasijskich rubloŭ (heta kala 1030 dalaraŭ, bo za dalar ciapier dajuć 32 rubli).Pry hetym u Maskvie, naprykład, zarobak jašče vyšejšy dziakujučy miascovym dapłatam ź biudžetu horada.
A siaredni zarobak lejtenanta vojska dasiahnie až 50 tysiač rasijskich rubloŭ, h.zn. kala 1550 dalaraŭ. Anałahičny rost zarobkaŭ i piensij ažyćciaŭlajecca va ŭsich siłavych strukturach i dla sudździaŭ. Kreml hanarycca hetym dasiahnieńniem. Napeŭna, jano maje trochi pieradvybarčy charaktar.
Pry hetym u ramkach reformy spyniajucca niekatoryja vypłaty. Naprykład, formu aficery ciapier buduć kuplać sami. Pry takich zarobkach jany mohuć toje sabie dazvolić.
A voś načalnik adździeła pa supracoŭnictvie z drukavanymi ŚMI MUS Biełarusi Viktar Novikaŭ paraiŭ dasłać piśmovy zapyt, kab atrymać adkaz na hety zapyt ab zarobkach biełaruskaj milicyi na praciahu miesiaca.
Pres-aficer HUUS Minharvykankama Alaksandru Łastoŭski pryznaŭsia «NN», što zarablaje 2,5 miljona rubloŭ.Ale heta z ulikam 10-hadovaj vysłuhi, najaŭnaści majorskaha zvańnia i znachodžańnia na kirujučaj pasadzie.
Aficer, jakija tolki pačynaje pracavać, maje 1,2-1,3 miljony rubloŭ u miesiac,skazaŭ Łastoŭski.
My daviedalisia ŭ znajomych lejtenantaŭ: ich zarobak składaje maksimum kala 2,5 miljona.
Stolki sama atrymaŭ za listapad kamandzir uzvoda, lejtenant, u biełaruskim vojsku.
Dla paraŭnańnia pieraviadziem zarobki ŭ dołaravy ekvivalent.
Atrymlivajecca, biełaruski aficer zarablaje ŭ 3-5 razoŭ mienš za kalehaŭ z susiednich Litvy, Polščy i Rasii.Navat kali ŭličyć, što padachodny padatak u Biełarusi nižejšy, a ceny ŭ krainach-susiedkach trochi vyšejšyja, usio ž roźnica istotnaja.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary