Padčas izrailskaj ataki na Iran zabili kamandzira śpiecpadraździaleńnia «Kuds»
U Iranie siarod inšych vojenačalnikaŭ padčas siońniašniaj izrailskaj ataki byŭ zabity Ismaił Kaani — kamandzir śpiecpadraździaleńnia «Kuds», paviedamlaje The New York Times sa spasyłkaj na iranskija krynicy.
Ismaił Kaani ŭznačaliŭ śpiecpadraździaleńnie paśla taho, jak byŭ zabity hienierał Kasiem Sulejmani ŭ 2020 hodzie ŭ vyniku ŭdaru amierykanskaha drona ŭ aeraporcie Bahdada.
Siły «Kuds» — heta elitnaje źniešnieapieracyjnaje padraździaleńnie Korpusa vartavych isłamskaj revalucyi (KSIR) Irana, hałoŭny instrumient ekspartu iranskaha ŭpłyvu i šyickaj ideałohii ŭ rehijonie. Najbolšuju rolu siły «Kuds» adyhrali ŭ Iraku i Siryi.
Paśla ŭvarvańnia ZŠA ŭ Irak u 2003 hodzie mienavita «Kuds» stali klučavym faktaram u stvareńni irakskich šyickich apałčeńniaŭ, jakija z adnoj boku zmahalisia suprać amierykanskaj prysutnaści, a z druhoj — padtrymlivali łajalnaść Tehieranu ŭ Bahdadzie.
U Siryi paśla 2011 hoda «Kuds» stali na bok Bašara Asada, kirujučy aficerami, zabieśpiačeńniem, a paźniej arhanizavaŭšy masavy ŭdzieł zamiežnych najmitaŭ — ad livanskaj «Chiezbały» da afhanskaha «Fatymijunu». Hetyja dziejańni dazvolili Iranu zachavać stratehičnuju prysutnaść u Levancie i stvaryć «suchaputny kalidor» ad Tehierana da Mižziemnaha mora.
Vialikaja ŭvaha nadavałasia taksama padtrymcy chusitaŭ u Jemienie. Aperacyi «Kuds» uklučali pastaŭki ŭzbrajeńnia, technałohij BPŁA i rakiet, a taksama navučańnie bajevikoŭ. Hetyja dziejańni akazvali cisk na Er-Ryjad i ZŠA i dazvalali Iranu demanstravać mahčymaść upłyvać na hłabalnuju biaśpieku.
Ataka Izraila pa Iranie: usio, što viadoma na hety momant
Čym viadomy Chasiejn Sałami — kamandujučy, jaki zahinuŭ padčas izrailskaha ŭdaru
Nietańjachu ŭvioŭ Iran u zman z dapamohaj viasiella, a Tramp — svaimi zajavami
Tramp: Niezrazumieła, ci zastałasia ŭ Irana jadziernaja prahrama
Izrail pačaŭ novuju chvalu ŭdaraŭ pa Iranie
Kamientary