Stvareńnie ŭ krainie ŭłasnaha kaśmičnaha ahienctva stała adnoj z tem narady Alaksandra Łukašenki z kiraŭnictvam Savieta Ministraŭ, piša BiełTA.
Jon nahadaŭ, što jašče ŭ saviecki čas u Biełarusi sfarmavałasia kaśmičnaja halina z mocnym składnikam u śfierach abarony, navuki, suviazi i inšych halinach.
«Za hady suvierennaha raźvićcia my dobra prasunulisia ŭ hetych napramkach, asabliva ciapier, znachodziačysia pad sankcyjami. Viadziom raboty pa stvareńni rasijska-biełaruskaha kaśmičnaha aparata dystancyjnaha zandziravańnia Ziamli zvyšvysokaha raździaleńnia. Praktyčna ŭsie najbolš važnyja kampanienty takoha spadarožnika stvarajucca ŭ Biełarusi i raźmiaščajucca na rasijskuju płatformu, — skazaŭ Łukašenka. — Pry hetym bolšuju častku metavaj aparatury vyrablaje naš «Pielenh». U raspracoŭcy znachodziacca try kaśmičnyja prahramy Sajuznaj dziaržavy».
Ciapier asnoŭnyja funkcyi pa rehulavańni kaśmičnaj dziejnaści vykonvaje Nacyjanalnaja akademija navuk. To bok sistema kiravańnia pracuje i na dadzieny momant.
«Pytańnie prostaje: čym drennaja abo niedastatkovaja isnujučaja struktura kiravańnia? Ci zdolnaja jana całkam paŭnacenna ŭličvać i ŭdzielničać u mižnarodnych prahramach? I što atrymajem ad stvareńnia «biełaruskaha NASA»? Ci budzie efiekt supastaŭny z vydatkami na novuju arhanizacyju i jaje ŭtrymańnie?» — skazaŭ Alaksandr Łukašenka.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?20
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
[Zredahavana]