ZŠA admianili novyja handlovyja myty dla kampjutaraŭ i smartfonaŭ. U tym liku i z Kitajem
Administracyja prezidenta ZŠA Donalda Trampa vyvieła z-pad režymu ŭzajemnych handlovych mytaŭ smartfony, kampjutary i inšuju elektroniku. Heta tyčycca i kitajskich pastavak, jakija raniej byli abkładzieny 145-pracentnym zboram, paviedamlaje Bloomberg sa spasyłkaj na dadzienyja mytnaj i pamiežnaj słužby ZŠA.
Sa śpisu tavaraŭ, jakija buduć abkładacca pošlinami ŭ ramkach «handlovaj vajny» Trampa, vyklučanyja smartfony, noŭtbuki, ćviordyja dyski, čypy pamiaci, kampjutarnyja pracesary i mašyny dla vytvorčaści paŭpravadnikoŭ, bolšuju častku jakich ZŠA impartujuć. Značnaja častka pieraličanych pryład uvohule nie vyrablajecca ŭ ZŠA. Kab naładzić miascovuju vytvorčaść, spatrebiacca hady.
Kanał CNBC dadaje, što myty taksama źniatyja z soniečnych elemientaŭ, płoskich televizijnych dysplejaŭ, fłeš-nazapašvalnikaŭ i kartaŭ pamiaci.
Bloomberg adznačaje, što hetaja miera dapamoža paźbiehnuć «šakavalnaha rostu cenaŭ» dla amierykanskich spažyŭcoŭ i budzie vyhadnaja kampanijam, jakija vyrablajuć elektroniku — Apple, Samsung i Taiwan Semiconductor Manufacturing.
Zrešty, častkovaje źniaćcie mytaŭ moža być časovym krokam. Heta zroblena, kab paźbiehnuć «padvojnaha abkładańnia», tłumačyć ahienctva.
Havorka idzie pra toje, što šerah tavaraŭ moh trapić adnačasova pad «ahulnanacyjanalnuju staŭku» dla jakoj-niebudź krainy i pad dadatkovuju siektaralnuju (na elektroniku) u 25%.
Vierahodna, na niekatoryja pazicyi paźniej uviaduć asobny, bolš nizki taryf. Heta, u pryvatnaści, zakranie paŭpravadniki, dla jakich Tramp raniej abiacaŭ uvieści śpiecyjalny zbor, ale pakul hetaha nie zrabiŭ.
Trampavy myty vyzvalili rasijskuju naftu ad zachodnich sankcyj
Tramp rasčaravany svaimi daradcami z-za vynikaŭ uviadzieńnia pošlin
Chto prymusiŭ Trampa raptoŭna admovicca ad uviadzieńnia taryfaŭ
Amierykanskija biržy ŭźlacieli paśla taho, jak Tramp daŭ zadni chod z pošlinami. Uśled za imi rastuć i azijackija
Tramp padymaje myty suprać Kitaja da 125%, prypyniaje ich suprać inšych krain
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary