Abrany prezident ZŠA Donald Tramp maje namier pačać maštabnyja departacyi nielehalnych mihrantaŭ adrazu paśla svajoj inaŭhuracyi, paviedamlaje The Wall Street Journal.
Jak śćviardžaje pryznačany kiraŭnikom Słužby pamiežnaha kantrolu Tom Choman, pieršyja rejdy pačnucca ŭžo ŭ aŭtorak, 21 studzienia.
Asablivuju ŭvahu płanujecca nadać Čykaha, kudy za apošnija 2,5 hady prybyło bolš za 50 tys. inšaziemcaŭ. Akramia taho, u Trampa naciahnutyja adnosiny ź miascovym meram.
Jak piša Washington Post, apieracyi praciahnucca nie mienš za tydzień, u ich voźmuć udzieł sotni supracoŭnikaŭ słužby imihracyjnaha kantrolu.
Čykaha — tolki adzin z mnohich haradoŭ, dzie buduć pravodzicca rejdy, zajaviŭ Choman, viadomy svaimi ćviordymi pohladami na mihracyjnuju palityku. Padčas pieršaj kadencyi Trampa Choman, u pryvatnaści, padtrymlivaŭ sprečnyja miery, uklučajučy padzieł siemjaŭ nielehalnych mihrantaŭ.
Palicyja Čykaha, u svaju čarhu, zajaviła, što nie budzie pieraškadžać fiederalnym ahientam, ale i nie stanie davać im jakuju-niebudź infarmacyju. Jak adznačyŭ pradstaŭnik palicyi Don Tery, horad praciahnie abaraniać pravy svaich žycharoŭ, nie supracoŭničajučy ź fiederalnymi mihracyjnymi słužbami.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich11
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1515
Kamientary