Vice-mer Łazarevič paraiła minčukam, jakim nie padabajucca ceny na taksi, jeździć na mietro
Nadzieja Łazarevič zajaviła, što transpart u stalicy aktyŭna raźvivajecca, a tamu padaražańnie taksi nie pavinna być prablemaj.
Pieršaja namieśnica staršyni Minharvykankama Natalla Łazarevič dała paradu minčukam, jakich nie zadavalniajuć ceny na taksi. Čynoŭnica ŭ efiry STB prapanavała haradžanam pierasieści na hramadski transpart.
«Kali vy nie zhodnyja z cenaŭtvareńniem taksi, dla vas doraha, to pasłuchajcie — u nas jość naziemny transpart, padziemny transpart, całkam łahistyčnyja šlachi vybudavanyja ŭ Minsku, maršrutki, tamu prava vybaru dla čałavieka jość», — vykazała mierkavańnie Łazarevič.
Łazarevič adznačyła, što nie ŭsio syšłosia na taksi. Pavodle jaje słoŭ, praca miascovych orhanaŭ ułady vybudavanaja vakoł taho, kab čałaviek moh dabracca na zvyčajnym aŭtobusie, tralejbusie ci mietro.
«Tak, bolš zručna, moža być, na taksi, bolš chutka ŭ niejkaj stupieni. Ale, jašče raz paŭtaraju, kali ŭsio ž taki jość takoje vialikaje pytańnie pa canie, jaki my tut aktyŭna abmiarkoŭvali, jość prava vybaru», — dadała Łazarevič.
Paśla ŭviadzieńnia abaviazkovaha rejestru dla pieravozčykaŭ ceny na taksi rezka pavysilisia. U adkaz dziaržava ŭziałosia za papularny servis «Jandeks. Taksi»: jaho pryznali manapalistam, a dziaržTB abvinavaciła servis u niesumlennaj kankurencyi i zastupnictvie niezarehistravanym taksistam.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary