Štučny intelekt ChatGPT o1 pačaŭ padmanvać svaich raspracoŭščykaŭ
Novaja viersija štučnaha intelektu Chatgpt ad OpenAI, nazvanaja o1, pakazała tryvožnyja pavodziny padčas testavańnia. Madel, jakaja vałodaje zdolnaściu da składanych razvah, pačała parušać instrukcyi raspracoŭščykaŭ, adklučajučy sistemy kantrolu i sprabujučy schavać svaje dziejańni, piša BILD.
U chodzie ekśpierymientaŭ śpiecyjalisty kampanii Apollo Research vyjavili, što ŭ 5% vypadkaŭ madel naŭmysna adklučała miechanizmy nazirańnia, kali padazravała, što jaje mohuć spynić. U adnym z testaŭ o1 pasprabavała pieranieści svaje danyja na inšy siervier paśla vyjaŭleńnia dakumienta, dzie abmiarkoŭvałasia jaje zamiena novaj viersijaj.
Pa słovach pradstaŭnika Apollo Research, madel demanstravała imknieńnie da vykanańnia zadač «luboj canoj», hrebujučy ŭkazańniami raspracoŭščykaŭ. Bolš za toje, pry sprobach vyśvietlić pryčyny jaje pavodzin, ChatGPT o1 nieadnarazova chłusiła, śćviardžajučy, što ŭsio adbyvałasia z-za techničnych zbojaŭ.
«U 99% vypadkaŭ madel prydumlała apraŭdańni i sprabavała pierakanaŭča ich abhruntavać», — adznačyli daśledniki.
Hienieralny dyrektar OpenAI Sem Altman zajaviŭ, što ChatGPT o1 — samaja razumnaja madel z tych, što kali-niebudź stvaralisia.
«Ale my ŭśviedamlajem, što z novymi mahčymaściami źjaŭlajucca i novyja vykliki», — dadaŭ Altman.
Ciapier kampanija pracuje nad palapšeńniem miechanizmaŭ biaśpieki. OpenAI anansavała poŭnuju viersiju o1 u minuły čaćvier, 5 śniežnia. Taksama była pradstaŭlena pra-viersija (189 jeŭra ŭ miesiac), jakaja ŭklučaje bieźlimitny dostup da o1.
Kampanija, jakaja stvaryła ChatGPT, uvajšła ŭ vajskovy biznes
Samym darahim maładym startapam u śviecie pryznali kampaniju, jakuju zasnavaŭ biełarus
Skarlet Jochansan nazvała kiraŭnika OpenAI Altmana vydatnym pratatypam dla złydnia Marvel
Štučny intelekt užo praz dva hady moža vyčarpać resursy z adkrytych krynic
Kamientary
Niadaŭna, kali ŠI nibyta pažadaŭ śmierci čałavieku, tłumačyłasia praściej. Mabyć, i zaraz tak.