Rasijski błohier syhraŭ u S.T.A.L.K.E.R.2 i vyrazaŭ litaru Z na zabitym piersanažy
Ilja Medysan atrymaŭ viadomaść u 2010-ja dziakujučy svaim ahladam na hulni i filmy. Niadaŭna jon pierabraŭsia ŭ ZŠA, ale stary zaniatak nie zakinuŭ.
Illa Medysan (sapraŭdnaje proźvišča Davydaŭ), jaki niadaŭna pierabraŭsia z Rasii ŭ ZŠA, pravioŭ strym pa hulni S. T. A. L. K. E. R. 2 — praciahu kultavaha ŭkrainskaha šutara. Adnak paśla žyvoha efiru błohiera zabanili na płatformie Twitch.
Pa siecivie raźlacielisia skrynšoty i ŭryŭki sa strymu. U adnym ź ich błohier vyrazaje litaru Z na ciele zabitaha piersanaža. U inšym kaža, što «stralaje na huki movy».
Paźniej Medysan taksama napisaŭ, što «šeść hadzin stralaŭ u čuvakoŭ, jakija havaryli na movie»: aŭtary S.T.A.L.K.E.R.2 nie stali rabić ruskamoŭny dublaž, błohier hulaŭ u aryhinalnuju hulniu z ukrainskaj ahučkaj.
U jašče adnym momancie, kali ŭ hulni prahučała sirena, Medysan z uśmieškaj skazaŭ: «Heta što, SPA spracavała?» Strym, miarkujučy z usiaho, sabraŭ vialikuju aŭdytoryju: sam błohier napisaŭ, što ŭ niejki momant jahonaja tranślacyja była ŭ topie na płatformie.
Paśla strymu kanał Medysana zabłakavali za parušeńnie pravił supolnaści. Sam błohier jašče da błakavańnia zaŭvažyŭ, što ŭryvak ź litaraj Z zavirusiŭsia ŭ internecie.
«Na strymie ja navat nie źviarnuŭ na heta ŭvahu, ale niejkija šyzafreniki narabili skrynšotaŭ (pryčym pieršapačatkova ich pačali forsić u tak zvanych patryjatyčnych pablikach) i ciapier zhortvajuć mnie kroŭ.
Što ja mahu skazać na hety kont? Dy ničoha asabliva. Ja moh by pačać apraŭdvacca (čymści typu paterna ŭdaru nažom u hetaj hulni), vydalać zapisy, prasić prabačeńnia, ale mnie navat lanota heta rabić, bo zaŭvažyć niešta padobnaje moh tolki hłyboka zakłapočany čałaviek», — zajaviŭ Medysan.
Błohier skazaŭ, što na strymie, naadvarot, abaraniaŭ hulniu i bajaŭsia, što moža stać z-za S.T.A.L.K.E.R.2 zamiežnym ahientam. I dadaŭ, što pierajechaŭ z Rasii ŭ ZŠA mienavita dziela svabody słova.
«Ja pajechaŭ siudy (u ZŠA — Zaŭv. NN) jakraz kab nie było takich situacyj. Kab varjaty nie mahli ŭbačyć na ciełach NPC (niehulniavyja piersanažy — Zaŭv. NN) simvolik, jakija ich uzbudžajuć, kab za hutarkovy kantent nie mahli adpravić na parašu i hetak dalej. Kali tut budzie hetak ža sama, to jaki naohuł sens žyć pa-za domam? Heta dla mianie tolki dakaža, što ŭvieś śviet źjechaŭ z hłuzdu i niama sensu sprabavać znajści adekvatnaje miesca», — napisaŭ strymier.
Paśla błakavańnia jon napisaŭ jašče adzin karotki post:
«Zabanili i zabanili, z*****a [nadakučyła] užo heta ŭsio. Nidzie ničoha nielha havaryć, rabić, usie vakoł kryŭdziacca. Dla mianie heta tolki čarhovaja nahoda padumać pra toje, čaho vartyja ŭsie hetyja ŭjaŭnyja svabody».
Medysan atrymaŭ viadomaść u runecie na styku «nulavych» i «dziasiatych» hadoŭ. Jon vioŭ papularnyja błohi na rutubie i jutubie, rabiŭ ahlady na filmy i hulni, sprabavaŭ siabie ŭ stendapie. U 2017 hodzie jon trapiŭ u skandał, kali ŭ Čačni zaŭvažyli jahony žart pra Karan u adnym z vystupaŭ. Błohier raskazvaŭ, što jamu pahražajuć raspravaj, paźniej jon atrymaŭ paŭtara hoda ŭmoŭna za raspalvańnie nianaviści i varožaści, ale sudzimaść była źniataja z-za dekryminalizacyi artykuła.
U 2019-m błohier ustupiŭ u ŁDPR i staŭ pamočnikam deputata Dziarždumy. Paśla pačatku poŭnamaštabnaj vajny jon vykazvaŭsia nieadnaznačna. Spačatku jon ci to žartam, ci to ŭsurjoz zajaviŭ, što źbirajecca pajechać na Danbas źniać trevieł-błoh.
Paśla pačatku mabilizacyi Medysana zaŭvažyli ŭ Białhradzie. Kali jahonaje fota na vulicach sierbskaj stalicy zavirusiłasia, jon apublikavaŭ post u svaim zvykłym žanry postironii, u jakim zajaviŭ, što jaho zapisali nie ŭ toj łahier, jon zaŭsiody byŭ pacyfistam i bajaźliŭcam, i nikoli nie byŭ patryjotam. Adnak tam ža jon dadaŭ prosta supraćlehłaje:
«Nasamreč ja, viadoma, zastajusia patryjotam i padtrymlivaju ŭsich vas, ruskich chłopcaŭ. Dušoj ja z vami, ale ciełam znachodžusia ŭ brackaj Sierbii, bo adčuvaju, što zmahu tut prynieści bolš karyści našamu narodu, bo tut na hety momant biaśpiečniej i piva «Kozieł» (češskaje) kaštuje 60 [rasijskich] rubloŭ».
Ź Sierbii Medysanu nieŭzabavie daviałosia vyjechać: jak jon sam śćviardžaje, praz kanflikt z fanatami białhradskaj «Crvieny źviezdy». Tyja znajšli stary strym Medysana, dzie jon nazvaŭ sierbaŭ «bajaźlivymi cyhanami, jakija zaŭsiody zdradžvajuć svaim sajuźnikam».
U vieraśni 2024 hoda stała viadoma, što błohier pierajechaŭ u ZŠA, adkul ciapier i viadzie strymy.
Vyjšaŭ doŭhačakany praciah kultavaj ukrainskaj hulni S.T.A.L.K.E.R. U Rasii hiejmieraŭ prystrašvajuć nie hulniavoj, a realnaj zonaj za dziaržzdradu
«Heta kardynalna mianiaje ŭvieś raskład u viadzieńni bajavych dziejańniaŭ». Što Z-błohiery dumajuć pra ŭdary ATACMS pa Rasii?
Z-błohier «Trynaccaty», jaki krytykavaŭ Minabarony i Kreml, zamiest suda pajedzie na vajnu
«Trupy, trupy, trupy našych. Pad poŭnym kantrolem dronaŭ». Dziońnik rasijskaha šturmavika, jaki acaleŭ pad Vaŭčanskam
Polšča pryznała Alaksandra Mašenskaha niepažadanaj asobaj27
Kamientary