U Homieli buduć razhladać zajavu ab amnistyi dla palitźniavolenaj Aleny Hnaŭk
U sudździe Čyhunačnaha rajona Homiela na 10 kastryčnika zapłanavana pasiadžeńnie, dzie ŭ jakaści padsudnaj paznačanaja palitźniavolenaja Alena Piatroŭna Hnaŭk. Sutnaść pasiadžeńnia — razhlad zajavy abo chadajnictva ab prymianieńni amnistyi. Vieści praces budzie Mikałaj Krupadzioraŭ, piša «Homielskaja viasna».
Pakul niezrazumieła, čamu razhlad budzie adbyvacca ŭ sudzie Čyhunačnaha rajona Homiela, kali apošniaje viadomaje miesca ŭtrymańnia Aleny Hnaŭk — heta kałonija № 24 dla paŭtorna asudžanych u Zareččy Rečyckaha rajona. Mahčyma, jaje ź niejkaj nahody pieraviali ŭ kałoniju № 4, jakaja jakraz znachodzicca ŭ Čyhunačnym rajonie Homiela.
U traŭni Hnaŭk pavinny byli pieradać u kałoniju ŭ Zarečča leki, bo jana mieła prablemy sa zdaroŭjem. Ale pieradać hetyja leki nie atrymałasia i nadalej źviestak ad jaje nie było. Mahčyma, zdaroŭje žančyny pahoršyłasia i jaje pieraviali ŭ kałoniju № 4 paśla taho.
67-hadovuju Alenu Hnaŭk, aktyvistku z Pružan, sudzili ŭžo čatyry razy. Pieršy raz jaje asudzili na dva hady «chatniaj chimii» pa tak zvanaj «karahodnaj spravie» u Bieraści. Paśla — jašče na adzin hod abmiežavańnia voli biez nakiravańnia ŭ karnuju ŭstanovu za «abrazu Łukašenki».
U 2022 hodzie Hnaŭk zatrymali, aryštavali na 15 sutak za «parušeńnie režymu adbyćcia pakarańnia» i zaviali kryminalnuju spravu pavodle dvuch artykułaŭ: 367 (paklop na Łukašenku) i 369-1 (dyskredytacyja Respubliki Biełaruś). Pavodle hetaj spravy žančynie prysudzili 3,5 hady kałonii ahulnaha režymu.
Užo ŭ kałonii na palitźniavolenuju zaviali novuju kryminalnuju spravu — hetym razam za «niepadparadkavańnie patrabavańniam administracyi karnaj ustanovy». U vyniku joj prysudzili jašče hod źniavoleńnia i etapavali z homielskaj kałonii ŭ Zarečča.
Cvajaki Aleny Hnaŭk nie atrymlivajuć ad jaje listoŭ
Dačka palitźniavolenaj Aleny Hnaŭk vyjechała ź Biełarusi z tryma dziećmi
Bolš za piać miesiacaŭ niama suviazi z 67-hadovaj palitźniavolenaj Alenaj Hnaŭk
«Sama jurystka, i dzielicca viedami z novymi siabroŭkami». Alena Hnaŭk u kałonii starajecca nie sumavać
Kamientary