Łukašenka zaćvierdziŭ prahnoznyja pakazčyki dla ekanomiki i finansaŭ na 2025 hod
Alaksandr Łukašenka 1 kastryčnika padpisaŭ ukaz, jakim zaćvierdziŭ najvažniejšyja prahnoznyja paramietry raźvićcia Biełarusi i metavyja pakazčyki hrašova-kredytnaj palityki na 2025 hod.
Pavodle hetaha dakumienta čakajecca, što rost VUP składzie 104,1%, ekspartu tavaraŭ i pasłuh — 5,4%, a realnych dachodaŭ nasielnictva — 4%.
U 2025 hodzie ŭ ekanomiku płanujecca inviestavać na 7,8% bolš, čym u 2024-m. Zachavajecca i palityka pa strymlivańni cenaŭ.
Metaj Nacyjanalnaha banka i ŭrada źjaŭlajecca abmiežavańnie inflacyi na ŭzroŭni 5%.
Čakajecca, što spažyvieckija ceny vyrastuć nie bolš čym na 5%, a mižnarodnyja reziervovyja aktyvy składuć nie mienš za $7,1 młrd.
Častka niepahašanych aktyvaŭ banka, padvierhnutych kredytnaj ryzycy, składzie nie bolš za 10%, a kaeficyjent dastupnaści aŭtamatyzavanych sistem udzielnikaŭ płaciežnaha rynku dla zabieśpiačeńnia praviadzieńnia raźlikovych apieracyj budzie nie nižejšy za 99,8%.
Pry hetym pryrost patrabavańniaŭ bankaŭ da ekanomiki składzie nie mienš za 11%.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj15
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary