Žychary Homiela skardziacca na mocny pach haru i smuhu. Ułady kažuć, što chvalavacca niama čaho
«U kvatery ŭžo vočy reža, stromna spać kłaścisia».
Homielcy ŭviečary 15 vieraśnia skardzilisia na rezki pach haru i smuhu, jaki achutaŭ horad.
Prablemy z pavietram byli i za horadam, bližej da miažy z Ukrainaj. Pavodle źviestak manitorynhavych servisaŭ, uschodni viecier nios na Homiel dym ad pažaraŭ z pamiežnaj terytoryi Čarnihaŭskaj vobłaści Ukrainy i Branskaj vobłaści Rasiei, piša «Fłahštok».
Žychary Homiela ŭ čatach raskazali, što ad dymu reža vočy navat u kvatery, a na vulicy mocny smurod:
«U kvatery ŭžo vočy reža, stromna spać kłaścisia».
«U 5-m prosta nie pradychnuć, było akno adčyniena na kuchni, ciapier va ŭsioj kvatery śmiardzić».
«U 51-m takaja ž historyja, uvieś rajon u niejkim dymie, smurod nievynosny».
«Spać prosta niemahčyma, praśmiardzieła ŭsia kvatera».
Ranicaj u paniadziełak situacyja palepšyłasia.
Adreahavaŭ na paviedamleńni staršynia Homielskaha harvykankama Uładzimir Pryvałaŭ. U telehram-kanale jon napisaŭ, što homielcam chvalavacca niama čaho.
«Smuha i pach, jaki achutaŭ horad Homiel, uźnikajuć u vyniku ŭzharańnia tarfianikaŭ i haspadarčaj dziejnaści nasielnictva va ŭmovach zacišnaha nadvorja i adsutnaści raśsiejvańnia ŭ atmaśfiery. Chvalavacca žycharam Homiela nie varta», — zajaviŭ Pryvałaŭ.
Jon dadaŭ, što na terytoryi horada pažaraŭ suchoj raślinnaści nie zafiksavana. Pry hetym zachoŭvajecca 5-ty ŭzrovień pažarnaj niebiaśpieki.
U Minsku adčuvajecca pach haru, a nieba zaciahnuta smuhoj
U Lelčycach Dzień horada praviali ŭ dymie z čarnobylskaj zony
Začynić vokny, nie kuryć, nie jeści tłustaje. Minski centr hihijeny raskazaŭ, što rabić, kali na vulicy smoh
U Čarnobylskaj zonie novy pažar: pryciahnuli čatyry sotni ratavalnikaŭ
Žychary centra i zachadu Biełarusi narakajuć na smuhu i pach haru. U Vilni raspaŭsiudzili tryvožnaje apaviaščeńnie. Što adbyvajecca?
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary