Biełarusu, jaki haładaŭ u Kłajpiedzie z-za niemahčymaści vyvieźci aŭtamabil u Biełaruś, vydali tranzitnyja numary
Źjavilisia naviny ad biełarusa Ryhora Aleksijeviča, jaki pryjechaŭ u Kłajpiedu i abviaściŭ tam 8 vieraśnia haładoŭku z pryčyny taho, što Litva z-za ŭviedzienych abmiežavańniaŭ nie addaje jamu kupleny aŭtamabil. Siońnia, 12 vieraśnia, jon źniaŭ videa, na jakim paviedamiŭ, što Litva ŭsio ž taki vydała jamu tranzitnyja numary, zaŭvažyła abw.by.
Na videa Aleksijevič vyhladaje zadavolenym, ale adznačaje, što radavacca jašče rana. Bo heta jašče nie kaniec usioj historyi.
«Usim, chto pieražyvaje za mianie, chaču paviedamić vielmi radasnuju viestku: siońnia ja atrymaŭ dakumienty dla tranzitnych numaroŭ, i ja siońnia ž atrymaŭ tranzitnyja litoŭskija numary, — havoryć na videa Ryhor Aleksijevič. — Nastupny krok — ja jedu ŭ port, tam budzie adbyvacca afarmleńnie dekłaracyi. Adnak pakul dakładna ničoha nie viadoma. Ale, miarkujučy pa tym, što pačaŭsia taki ruch, u nas usich jość nadzieja. Prašu vas, ustrymajciesia ad ejfaryi i kamientaroŭ».
Ryhor Aleksijevič kupiŭ hibrydny aŭtamabil Honda CR-V 2020 hoda vypusku na aŭkcyjonie Copart 23 krasavika 2024 hoda. Pakul aŭtamabil znachodziŭsia na šlachu ŭ Litvu, u dačynieńni da hramadzian Biełarusi ŭviali dadatkovyja abmiežavańni. U kamientary litoŭskaj mytni adznačałasia, što kali mašyny byli nabytyja da 1 lipienia, to ich vypuskać u abaračeńnie možna. Adnak Litva hetaha nie zrabiła.
Vyčarpaŭšy sposaby raźviazać pytańnie, Ryhor Aleksijevič navažyŭsia na haładoŭku.
«Ja ŭ adčai». Biełarus, jakomu Litva nie addaje kupleny aŭtamabil, pačaŭ haładoŭku ŭ Kłajpiedzie
Sankcyi prynosiać svoj plon — prodažy novych aŭto ŭ Biełarusi bjuć rekordy
«Rasiejcy vyhrabli ŭsie visiaki». Što adbyvajecca na aŭtamabilnym rynku Biełarusi paśla ŭviadzieńnia novych sankcyj
«Zabłakavana bolš za 4000 aŭtamabilaŭ». Što biełarusy robiać z mašynami, jakija zachraśli ŭ Kłajpiedzie
Ad zaŭtra Litva całkam zabaraniaje ŭjezd aŭto ź Biełarusi
Kamientary