«Kibiery» raskazali, jak lepš tłumačyć praviły biaśpieki starejšym ludziam
Represii datyčać usich biełarusaŭ, a materyjały pa biaśpiecy mohuć być niezrazumiełymi biez tłumačeńniaŭ. My dadali taksama spasyłki na našy samyja važnyja hajdy pa biaśpiecy, jakija dapamohuć navučyć pažyłych svajakoŭ.
Važna tłumačyć starym ludziam mahčymyja ryzyki. Raskažycie svaim svajakam, što navat starych ludziej karajuć za aktyŭnaść u internecie, pryčym žorstka. Dla ilustracyi padbiarycie dla ich prykłady.
Samyja pažyłyja palitviaźni — chto jany i za što ich aryštavali
Stałyja ludzi mohuć drenna razumieć instrukcyi, ale važna patłumačyć im tak, kab jany zrazumieli. Kali zmusić ich biazdumna zrabić niejkija dziejańni, to jany nie zdolejuć ułasnaručna ich paŭtaryć i vašy starańni buduć marnymi.
Pastarajciesia tłumačyć jak maha bolš daścipna i pakazvać na prykładach. Pierapytvajcie ŭ stałych ludziej, ci nie zabyvajucca jany sačyć za biaśpiekaj i paŭtarajcie «kurs», kali ŭ ich niešta nie ŭdajecca.
Pierad pačatkam navučańnia dapamažycie svajaku pačyścić kampjutar i sacsietki. Važna, kab vy nie prosta zabirali sabie devajsy, ale tłumačyli, što rabić i čamu heta važna, dajučy čałavieku mahčymaść rabić heta ŭłasnaručna.
Tłumačcie tolki samaje asnoŭnaje. Imavierna, bolšaści stałych ludziej nie patrabujucca vielmi składanyja nałady biaśpieki. Asablivuju ŭvahu źviarnicie na toje, jak čałaviek karystajecca sacsietkami, miesiendžarami, Gmail i jutubam, a taksama ci zachoŭvaje fajły ŭ vobłačnym schoviščy.
Samyja važnyja hajdy pa biaśpiecy ad «Našaj Nivy»
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Jak nadziejna vyčyścić foty z vašych smartfonaŭ — padrabiazny hajd
Jak pravilna čyścić svoj akaŭnt u Instagram, kab zaścierahčy siabie. Padrabiazny hajd
Jak pačyścić i abaranić vaš YouTube — padrabiazny hajd
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca
Što mienavita siłaviki praviarajuć u smartfonach zatrymanych biełarusaŭ i jak abaranicca
«Naša Niva» — bastyjon biełaruščyny
PADTRYMAĆ
Kamientary