«Karta palaka zaraz źjaŭlajecca pahrozaj dla kožnaha hramadzianina Biełarusi» — vice-ministr zamiežnych spraŭ Polščy
Na pasiadžeńni Kamisii pa zamiežnych spravach polskaha Siejma abmierkavali situacyju ŭ Biełarusi i dziejańni pa vyzvaleńni biełaruskich palitviaźniaŭ. Na im siarod inšych vystupiŭ namieśnik kiraŭnika polskaha MZS Uładzisłaŭ Teafił Bartašeŭski, paviedamlaje Polskaje radyjo.
Namieśnik kiraŭnika MZS nahadaŭ, što ŭ 2020 hodzie prezidenckija vybary ŭ Biełarusi byli sfalsifikavanyja, a ŭ vyniku represijaŭ biełaruskaha režymu paśla hetych vybaraŭ ciapier u biełaruskich turmach znachodzicca bolš za paŭtary tysiačy čałaviek, pryznanych mižnarodnaj supolnaściu palityčnymi źniavolenymi.
«Usie dziejańni papiaredniaha polskaha ŭrada i Siejma papiaredniaha sklikańnia, a taksama MZS nie prynieśli kankretnych vynikaŭ. Na žal, ja nie mahu skazać, što našyja dziejańni istotna palepšyli zhadanuju situacyju. Kolkaść palitviaźniaŭ u Biełarusi vyrasła, uzmacniajucca represii», — skazaŭ Bartašeŭski.
Jon adznačyŭ, što, naprykład, Karta palaka ciapier źjaŭlajecca pahrozaj dla kožnaha hramadzianina Biełarusi.
«U Biełarusi ciapier niama šancaŭ apraŭdać čakańni biełaruskich hramadzian i tych biełarusaŭ, jakija vyjechali ŭ prymusovuju emihracyju i častkova pasialilisia ŭ Polščy», — padkreśliŭ namieśnik kiraŭnika MZS.
Bartašeŭski dadaŭ, što parłamienckija vybary, jakija prajšli ŭ Biełarusi 25 lutaha, nie majuć ničoha ahulnaha z sapraŭdnaj demakratyjaj. A zajava Alaksandra Łukašenki ab udziele ŭ nastupnych prezidenckich vybarach u 2025 hodzie pakazvaje, što palityčny kryzis u Biełarusi budzie praciahvacca i kanca jamu nie vidać.
«Biełaruś siońnia mocna źviazanaja svajoj dziejnaściu, u tym liku antyŭkrainskaj, z pucinskaj Rasijaj. Tamu my imkniemsia da taho, kab usie sankcyi, jakija vykarystoŭvajucca suprać Rasijskaj Fiederacyi, byli raspaŭsiudžanyja inšymi krainami taksama na Biełaruś», — padkreśliŭ Uładzisłaŭ Teafił Bartašeŭski.
Čytajcie taksama:
Na miažy z Polščaj znoŭ pačali źbiracca vialikija čerhi z aŭtobusaŭ
«Jeŭropa vyhnała špijonaŭ Uładzimira Pucina. Ciapier jany viartajucca» — The Financial Times
Polšča inicyjuje zabaronu na ŭvoz u Jeŭrasajuz sielskahaspadarčaj pradukcyi z Rasii i Biełarusi
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary