Armienija aficyjna paprasiła Rasiju vyvieści svaich pamiežnikaŭ ź jerevanskaha aeraporta
Armienija nakiravała ŭ Rasiju aficyjny list pa pytańni prysutnaści rasijskich pamiežnikaŭ u aeraporcie «Zvartnoc», zajaviŭ sakratar Rady biaśpieki Armienii Armien Hryharan. Pavodle jaho słoŭ, słužbu ŭ aeraporcie pavinny nieści armianskija pamiežnyja vojski, paviedamlaje news.am.
«Armienija nakiravała aficyjny list u RF z vyraznaj pazicyjaj. My prainfarmavali, što ŭ aeraporcie Zvartnoc pavinny nieści słužbu armianskija pamiežnyja vojski», — zajaviŭ Hryharan.
U kancy lutaha vyvieści rasijskich pamiežnikaŭ z aeraporta «Zvartnoc» zaklikaŭ śpikier Nacyjanalnaha schodu Armienii Alen Simanian. Pres-sakratar Kramla Dźmitryj Piaskoŭ, adnak, zajaviŭ, što Rasiju, maŭlaŭ, nie infarmavali pra hetaje rašeńnie pa aficyjnych kanałach.
Rasijskija pamiežniki znachodziacca ŭ Armienii pavodle pahadnieńnia 1992 hoda. U pamiežnaje ŭpraŭleńnie FSB Rasii ŭ Armienii ŭvachodziać čatyry atrady — u Hiumry, Armaviry, Artašacie i Miehry, a taksama kantrolna-prapuskny punkt u aeraporcie «Zvartnoc».
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary