«16 tysiač biezzvarotnych strat». Aŭdziejeŭka vačyma rasijskich vajenkaraŭ
Učora, 17 lutaha, Ukraina vyvieła svaje vojski z Aŭdziejeŭki, bai za jakuju praciahvalisia ź minułaha kastryčnika. Voś što pišuć pra situacyju na froncie rasijskija vajennyja karespandenty.
U telehram-kanale rasijskaha ultra-patryjota Andreja Marozava «Nam pišuć ź Janiny», jaki maje bolš za 95 tysiač padpisčykaŭ, dajecca ćviarozaja acenka zdabytaj pieramohi.
Aŭtar zajaŭlaje, što jon zaraz nie śmiajecca, jamu «vielmi ch**vo». Pavodle jaho słoŭ, «Syrski ŭmieła vyciahnuŭ z «katła» ŭ Aŭdziejeŭcy, jakuju «brali doŭha i ź ciažkaściu», navat tuju nievialikuju častku ŭkrainskich vojskaŭ, jakija jašče možna było tam «pryščyknuć».
U paviedamleńni pryvodziacca ličby strat rasijskaha boku: «Ad Nievielskaha da Navasiołaŭki 16 tysiač biezzvarotnych strat z našaha boku. I kala 300 adzinak vybitaj bronietechniki». U toj ža čas supiernik panios biezzvarotnych strat u 5-7 tysiač».
Pry hetym, jak piša vajenkar, jaho bolš za ŭsio aburaje niaŭmiełaje kamandavańnie, u vyniku jakoha
«Picierski» 1487-y połk, jaki składajecca ŭ asnoŭnym z mabilizavanych, byŭ «stočany» praktyčna da nula, da roty kiravańnia i štaba». Ale vajskovaja prakuratura nie choča adkryvać spravu pa zajavie bajca, tłumačačy, što tyja, kaho žadajuć pakarać, «užo nazvanyja hierojami». I takaja situacyja — «prykmieta budučych novych p***oŭ».
Z Marozavym salidarny i inšy vajenkar — Anatol Radaŭ (bolš za 13 tysiač padpisčykaŭ).
«Što adbyłosia ŭ Aŭdziejeŭcy? Pišuć — čamu tak chutka… Dy toje ž samaje, što ŭ Lisičansku i Sievieradaniecku — pad čułym kiraŭnictvam Pientahona ŭ samy apošni momant vyśliznuli (syšli). A nas jašče čakajuć apaviadańni pra dziasiatki tysiač pieramałotych u Aŭdziejeŭcy chachłoŭ».
Z krytykaj paviedamleńnia ab bajach za Aŭdziejeŭku vystupiŭ «Reparcior Filatov» (zvyš 139 tysiač padpisčykaŭ), jaki śćviardžaje, što znachodzicca «na hetym učastku ź leta 22-ha hoda».
«Siabry, aŭdziejeŭskaja apieracyja pačałasia 10 kastryčnika. Vajennaha hienija my, na žal, nie prademanstravali. Jość asobnyja kamandziry (da pałkoŭnika, chto ŭmiejuć), a kamandavańnie ŭ cełym… «šturchać i šturchać» — kali heta vajenny hienij, to ja chz. Paśmiajusia, kali pačniecca zorny doždž na kicieli niezasłužanych».
Čytajcie jašče:
Ukrainskija vojski pakinuli Aŭdziejeŭku. Jakoje heta maje značeńnie?
Ciapier čytajuć
Daškievič raskazaŭ, jak trapiŭ za kratami ŭ «nizki status» i napisaŭ prašeńnie ab pamiłavańni3
Kamientary